Хичээлийн шинэ жил эхлээд удаагүй байхад багш нарын ажил хаялт хийж, сургууль цэцэрлэгийн хүртээмж, байшин барилгагүй болсон гэх асуудлууд ар боловсролын салбарт араасаа хөвөрсөөр л байна. Энэ жилийн хувьд нийслэлийн хэмжээнд гурван сургуулийн барилгын буулгаж шинээр барих гэж байгаа. Тухайлбал, Баянзүрх дүүргийн 21 дүгээр сургууль, Баянгол дүүргийн 19 дүгээр сургууль, Хан-Уул дүүргийн 75 дугаар сургуулийн барилгын буулгаж, шинээр барихаар байхаар болсон. Ингээд эдгээр барилгын буулгаж, барилгын ажил эхэлж байгаа эсэхийг бид сурвалжиллаа.
Баянзүрх дүүргийн 21 дүгээр сургуулийн барилгыг буулгаад эхэлсэн байлаа. Энэ сургуулийн сурагчдыг харьяа дүүргийн хэд хэдэн сургуулиудад хуваагдан хичээллүүлж байгаа аж. Тодруулбал, бага дунд ангийн сурагчид нь БЗД-ийн 33, 48, “Шилдэг” сургуулиудад хуваагдсан бол ахлах ангийн сурагчдыг 84 дүгээр сургуульд хичээллүүлж байна.
Ингээд 84 сургуулийн сургалтын менежер н. Эрдэнэтуултай уулзлаа. Тэрээр энэ жилийн жилд манай сургуульд 21 дүгээр сургуулийн 10-12 ангийн сурагчид хичээллэж байгаа. Манай сургуулиас дөрвөн анги гаргаж өгсөн. Одоогийн байдлаар гурван ээлжээр хичээллэж байгаа. Ирэх жил сургуулийн байр ашиглалтад орох хүртэл манай сургууль дээр хичээллэнэ” гэдгийг хэллээ.
21 дүгээр сургуулийн сурагчид 33, 48, “Шилдэг” 84 дүгээр сургууль дээр хуваагдаад хичээллэж байна
21 дүгээр сургуулийн Сургалтын менежер Б.Уламбаяраас зарим зүйлийг тодрууллаа.-
Энэ жил танай сургуулийн барилгыг буулгаж, шинээр барих гэж байгаа. Барилгын ажлыг хэзээнээс буулгаж эхэлсэн вэ?
-Манай сургуулийн шинэ барилгын ажлыг өнгөрсөн наймдугаар сарын 16-ны өдөр эхлүүлсэн.
Улмаар ирэх оны буюу 2019 оны есдүгээр сарын 1 гэхэд бүрэн ашиглалтад хүлээлгэж өгнө гэсэн төлөвлөгөөтэй ажил нь явагдаж байгаа. Манай сургуулийн сурагчид 33, 48, “Шилдэг” 84 дүгээр сургууль дээр хуваагдаад хичээллэж байгаа.
-Барилгын асуудлаас болж хичээл цалгардсан уу?
-Үгүй ээ. Хичээл хэвийн явагдаж байгаа.
-Гэрээсээ хол сургуульдаа явахад хүндрэлтэй байгаа байх даа?
-Манай сургууль байгалийн ухааны гүнзгий, хими биологийн гүнзгий, гимнастикийн мэргэжлийн , волейболын спортын гүнзгийрсэн сургалттай шилдэг сургууль. Бид сурагчдаа нийслэлийн хэмжээнд шалгалт авч элсүүлдэг. Тэгэхээр ийм асуудал үүсэхээр гүнзгий ангийн хүүхдүүдийн эрх ашиг бүр их зөрчигдөж байгаа. Оройны ээлж 18 цаг 45 минутанд завсарладаг байгаа. Тэгээд тараад гэртээ харих гэсээр байтал 23 цаг болдог гэх мэдээллийг эцэг, эхчүүд өгч байна. Бид сурагчдынхаа өглөө хэдэн цагт гараад, орой хэдэн цагт гэртээ очиж байгаа талаарх бүх мэдээллийг өдөр өдөрт нь аваад явж байгаа.
21 дүгээр сургуулийн зураг төслийг “Нарлаг Хөхий” ХХК, гүйцэтгэгч “Батс-Өргөө “ХХК гүйцэтгэж байгаа юм байна. Барилгын нийт талбай 11360,89 м2, гурван давхар юм. Барилгыг барих ажил 2018 оны наймдугаар сар эхэлж, 2019 оны наймдугаар сард дуусах аж. Одоогоор барилгыг буулгах ажил нь явагдаж байна.. Иймээс 21 дүгээр сургуулийн сурагчдын хувьд энэ жил хэдэн сургуульд хуваагдаад суралцаж байгаа бөгөөд ирэх жилийн 9 дүгээр сарын 1-нд гэсэн шинэ байранд хичээл нь хэвийн үргэлжлүүлнэ гэсэн горьдлого тээсэн байдалтай байна.
19 дүгээр сургуулийн барилга ажил буулгаж эхлээгүй байна
Харин Баянгол дүүргийн 19 дүгээр сургуулийн барилга ажил буулгаж эхлээгүй байна. Энэ сургуулийн барилгыг буулгах ажил өнгөрсөн хавраас яригдаж эхэлжээ.
Гэвч тус сургуулийн барилгыг буулгах ажил өнөөдрийн хүртэл хийгдээгүй байна. Сургуулийн барилгыг хэзээ буулгаж, барилгын ажил эхлэх нь тодорхой бус байгаа аж. Тус сургуулийн барилгын ажлыг явуулах тендер хоёр удаа зарлагджээ. Гэвч тендерт орсон компаниуд 19 дүгээр сургуулийг сонгоогүй гэдэг шалтгаанаар өнөөдрийг хүрч байгаа юм байна. Ямар шалтгаанаар тендерт сонгогдохгүй байгаа тодорхой бус байгаа аж.
Хүйтнээс өмнө буулгачих байх
19 дүгээр сургуулийн захирал Р. Өлзийнбаяртай уулзаж зарим зүйлийг тодрууллаа.
-Танай сургуулийн барилгыг энэ жил буулгаж, шинээр барих гэж байгаа. Одоогийн байдлаар барилгыг буулгах ажил эхлээгүй байна шүү дээ. Хэзээ эхлэх юм бол?
-Манай сургуулийн барилга 1956 онд баригдсан барилга. Өнгөрсөн 2015 онд газар хөдлөлт тэсвэрлэхгүй гээд үйл ажиллагаа хаах хэрэгтэй гэж Мэргэжлийн хяналтын дүгнэлт гарсан. Тэрнээс хойш хоёр гурван жил явсан. Харин энэ жилээс барилгыг буулгаж шинээр барихаар болсон. Манай сургуулийн барилгыг энэ жил буулгаж, шинээр бариад ирэх жил ашиглалт орох ёстой .Бидний хувьд өнгөрсөн хавраас хичээлээ тараад бүх ангиа суллаж, буулгаад бэлэн болгосон. Гэвч өнөөдөр манай сургуулийн барилга буулгаагүй байна.
-Танай сургуулийн тендерийг хоёр удаа зарласан гэсэн. Энэ үнэн үү?
-Манай сургуулийн барилга тендерт хоёр удаа орсон. Гэвч тендерт орсон компаниуд сонгоогүй гэдэг шалтгаанаар өнөөдрийг хүрч байна.
-Яагаад тендерт шалгарахгүй үлдчихээд байгаа бол ?
-Мэдэхгүй. Саяхан яамны холбогдох хүмүүс уулзсан. Танайх тендерт хоёр удаа ороод шалгараагүй учраас шууд гэрээгээр орно гэж хэлсэн. Иймээс бид түүнийгээ хүлээгээд сууж байна. Хүйтнээс өмнө буулгачих байх.
-Одоо буулгаж эхлээгүй байна чинь ирэх намар гэхэд ашиглалтад орж амжих уу?
-Ирэх оны есдүгээр ашиглалтад орсон байх ёстой гэсэн үүрэг даалгаварт байгаа. Иймээс хугацаанд амжаад орох байх.
-Танай сургуулийн сурагчид хаана хичээллэж байгаа вэ?
-Сургуулийн хүүхдүүдийнхээ асуудлыг зохицуулж байгаа.Сонгино хайрхан дүүргийн 12 дугаар сургууль эсвэл 42 сургуулийн аль нэгт нь түр хичээл гэсэн чиглэл өгсөн. Үүний дагуу Сонгинохайрхан дүүргийн 12, 42 дугаар сургуульд албан бичгээ явуулсан. Харин 12 дугаар сургууль өөрсдөө гурван ээлжээр хичээллэдэг учраас манай сургуулийн хүүхдүүд хүлээж авахгүй гэсэн албан бичгээ илрүүлсэн. Харин 42 дугаар сургуулийн удирдлагууд нааштай шийдвэр өгч таван анги гаргаж өгсөн. Энэ гаргаж өгсөн таван ангид манай сургуулийн 6-12 ангийнхан гурван ээлжээр хичээллэж байна. Харин 1-5 дугаар ангийнхан бага сургуулийнхаа байранд гурван ээлжээр хичээллэж байгаа. Сургалтын үйл ажиллагаа хэвийн явагдаж байгаа.
-Гурван ээлжээр хичээллэж байгаа болохоор хүндрэлтэй байна уу. Одоо буулгаж шинээр барих гэж байгаа сургууль хэдэн хүүхдийн багтаамжтай байсан вэ. Шинээр баригдахдаа багтаамж нэмэгдэх үү?
-Одоо буулгах гээд байгаа сургууль хоёр давхар 320 хүүхдийн хүчин чадалтай байсан. Шинээр баригдахдаа багтаамж нэмэгдэж 640 хүүхдийн сургууль баригдана. Спорт заал, цайны газар гээд бүх зүйл жин бүрэн баригдахаар зураг төсөл хийгдсэн байгаа.
-Танайх бага сургууль хэдэн хүүхдийн багтаамжтай вэ?
-Бага сургууль байгаа болохоор бидэнд бас их нэмэр болж байгаа. Бага сургууль 2012 онд ашиглалтад орсон 320 хүүхдийн багтаамжтай. Одоо 1-5 дугаар ангийн 800 гаруй хүүхэд гурван ээлжээр хичээллэж байна. Манай сургуулийн Хүүхдийн автобустай. Одоо бол бага сургууль дээр автобусаа хэрэглэж чадахгүй байна.
– Яагаад?
42 дугаар сургууль дээр байрлаж байгаа сургууль руу автобусаа явуулж байгаа. Өдөр хоёр гуравдугаар ээлжээр хичээллэж хүүхдүүдээ зөөж байна. Манай хүүхдүүд Эмээлт, Хургант гээд маш холоос явдаг. Энэ хүүхдүүд гурван ээлжээр хичээллэж байгаа учраас хичээл тарсаар байтал харанхуй болж байна. Иймээс бид холын хүүхдүүдээ автобусаар зөөж байгаа. Харин бага ангийн хүүхдүүдээ гараас гарт гээд эцэг эхчүүдэд өгч явуулж байна.
