УИХ-ын өнөөдрийн чуулганаар ЗТХ-ийн сайд Ж.Бат-Эрдэнийг сайдын албанаас нь чөлөөлсөн бөгөөд дараагийн сайдын асуудлыг маргааш хэлэлцэх бололтой. Тиймээс МАН-ын бүлэг өнөөдөр хуралдаж, Зам тээврийн хөгжлийн сайдад Я.Содбаатарын нэрийг дэвшүүлснийг дэмжлээ.
УИХ-ын гишүүн Я.Содбаатар энэ тухайд “Миний нэрийг дэвшүүлсэн нь МАН-аас ирж буй улстөрийн даалгавар гэж харж байна. Таван салбар энэ яаманд харьяалагддаг учир маш чухал, хариуцлагатай салбар. Амаргүй үед төрийн ажлын ачааг ав гэсэн даалгавар хүлээж авч байна. Монголын төрийн албан шинэчлэл хийх зайлшгүй шаардлага байна. Тиймээс УИХ-аас төрийн албаны тухай хуулийг шинэчлэж баталсан. Томоохон шинэчлэлийн ажлыг эхлүүлж байгаа. Энэ хүрээнд Монголын төр хариуцлагатай, босго өндөртэй байх, төрийн албан хаагчид тангараг өргөсөн албандаа үнэнчээр зүтгэх гээд олон асуудлыг цэгцлэх шаардлагатай байна” гэлээ.
Ж.Бат-Эрдэний албыг залгуулахаар УИХ-ын гишүүн Б.Энх-Амгалан, Я.Содбаатар нар албан ёсоор хүсэлтээ өгсөн ч Б.Энх-Амгалан гишүүн МАН-ын Удирдах зөвлөлийн хуралд нэрээ татаж, Я.Содбаатарыг 100 хувь дэмжээд байсан юм. Ийнхүү
