“Miss World-2018” тэмцээний ялагчийн титмийг БНХАУ-ын Саньяа хотноо бямба гаригт гардуулах гэж байна. 68 дахь удаагаа зохион байгуудлагдаж буй энэхүү тэмцээнд дэлхийн өнцөг булан бүрээс ирсэн 118 орны гоо бүсгүй өрсөлдөж байна. Энэхүү тэмцээнд оролцогчид эцсийн шалгаруулалтын өмнө олон төрлийн арга хэмжээнд оролцож, бусдаасаа гоо үзэсгэлэн, ур чадвар, авъяас билгээрээ ялгарч чадсан нь шилдэг 40-д багтаж, финалын шатанд өрсөлддөг.
Өнгөрөгч долоо хоногийн амралтын өдрүүдэд миссүүд спортоор өрсөлдөж ялагчаа тодрууллаа. Энэхүү шалгаруулалтад Боливи, АНУ, Нидерланд улсуудын мисс хамгийн өндөр үнэлгээг авчээ. АНУ-ын мисс Марсиа Бутлер спортлог миссээр тодорч финалд өрсөлдөх эрхийг шууд авсан байна.
Одоогоор БНХАУ, Франц, Япон, Сенегал, БНСУ, Канад, Польш улсуудын мисс урьдчилсан шатны шалгаруулалтаас өндөр үнэлгээг авч тэмцээнийг тэргүүлж байна. Мөн Шилдэг 30-д багтсан миссүүдийн нэрс ч тодорлоо.
Энэхүү тэмцээнд Монгол улсаа төлөөлөн оролцож буй мисс Э.Энхриймаа амжилттай оролцож байна. Та түүнд онлайн санал өгөх боломжтой бөгөөд https://missvo.modelpowergd.com хаягаар орж саналаа өгөөрэй.
