Засгийн газрын өнөөдрийн хуралдаанаар тэтгэвэр, тэтгэмж болон багш, эмч нарын цалинг нэмэгдүүлэх шийдвэрийг гаргалаа.
Энэхүү шийдвэрийн талаар ХНХ-ын сайд С.Чинзориг “2019 оны төсөвт Төрийн албан хаагчдын цалинд зориулан 267 тэрбумын эх үүсвэрийг тусгуулсан. Төрийн 191,000 албан хаагчийн цалинг инфляцын түвшинтэй уялдуулан 2019 оны нэгдүгээр сарын 1-нээс эхлэн найман хувиар нэмэгдүүлнэ.
Боловсролын салбарт ажиллагсадын цалинг 12.3 хувиар нэмэгдүүлж байна.
2018 онд төрийн албан хаагчдын дундаж цалин 804 мянга байсан бол цалин нэмэгдүүлснээр 2019 онд дундаж цалин 916 мянга болно.
Багш, эмч нарын цалинг өмнөх оны есдүгээр сарын 1-нээс эхлэн нэмэгдүүлсэн. Энэ үед цалингаа нэмэгдүүлж чадаагүй 17.2 мянган албан хаагчийн цалинг нэмэгдүүлнэ.
Мөн энэ оны нэгдүгээр сарын нэгнээс тэтгэврийг үе шаттайгаар нэмэгдүүлнэ.
Нийгмийн даатгалын сангаас 408 мянган ахмад тэтгэвэр авч байна. 107.5 тэрбум төгрөгийг тэтгэврийн нэмэгдэлд төсөвлөсөн.
Бүрэн тэтгэврийн доод хэмжээг 30 мянгаар нэмэгдүүлж 2019 оны хоёрдугаар сарын 1-нээс тэтгэврийн дундаж нь 372.5 мянга болно.
Халамжийн тэтгэвэр нь амьжиргааны түвшнээс доогуур байх нь зохимжгүй гэж үзээд Ерөнхий сайдаас өгсөн чиглэлийн дагуу халамжийн тэтгэврийг 155 мянга төгрөг байгааг 174 мянган төгрөг болголоо” гэж мэдээллээ.
