Хан-Уул дүүргийн 16-р хорооны нутаг дэвсгэрт байрлах “Хаан банк”-ны салбар тооцооны төвөөр үйлчлүүлж байсан 70 орчим настай, ахмад настан амь насаа алджээ. Эх сурвалжуудын мэдээлж байгаагаар талийгаач “Хаан банк-ны тооцооны төв дээр тэтгэврээ авахаар ирсэн бөгөөд урт дараалалд зогсож, теллер дээр ирсэн даруйдаа зүрх нь зогссон байна. Тухайн үед тус банкны зүгээс түргэн тусламж дуудсан боловч иргэн нас барсан байжээ. Одоогоор хэргийг тухайн дүүргийн цагдаагийн байгууллага шалгаж байгаа гэнэ.
Тус салбараар үйлчлүүлж буй иргэдийн хэлж буйгаар “Хаан банк”-аар үйлчлүүлэх явцдаа нас барсан өндөр настан тэтгэврийн мөнгөө бүгдийг нь авахаар банкны ажилтанд хандсан гэнэ. Гэвч тус банкны ажилтан иргэний хүсэлтийг биелүүлээгүй байна.
А.Тамир
АРДЧИЛАЛ.МН
