Инчеон-Улаанбаатарын чиглэлд нислэг үйлдэх монополь эрхтэй Korean Air компанийн онцгой эрхийг цуцалж, өрсөлдөгч агаарын тээврийн компанийг оруулах болсон талаар Өмнөд Солонгосын Засгийн газрын төлөөлөгч мэдэгдлээ. Гэхдээ энэ нь Korean Air компанийн эрхийг цуцлана гэсэн үг биш.
Хоёр улсын хооронд 1991 онд байгуулсан гэрээний дагуу хоёр тал тус бүр нэг агаарын тээврийн компани энэ чиглэлд нислэг үйлдэх эрхийг олгожээ. Энэхүү гэрээний дагуу Монголын талаас МИАТ компанид, Өмнөд Солонгосын талаас Korean Air компанид энэхүү бүрэн эрхийг олгожээ.
Ийнхүү өрсөлдөгч бий болсноор иргэдээс ирдэг тийзний өндөр үнийг бууруулах саналыг биелүүлэх нөхцөл бүрдэнэ. Оргил ачаалалтай үед тийзний үнэ нэг сая вонд хүрдэг нь бусад ижил хугацааны нислэгүүдээс даруй хоёр дахин өндөр ханштай байгаа юм. Энэ нь зорчигчдын дургүйцлийг ихээхэн хүргэдэг асуудал бөгөөд Монголд аялах жуулчдын аялалаа цуцлах шалтгааны нэг юм.
Инчеон-Улаанбаатарын чиглэлд нислэг үйлдэх шинэ лицензийг энэ сард багтаан гаргах бөгөөд T’way Air, Asiana Airlines, Eastar Jet, Jeju Air, компаниуд уг эрхийг авахаар өрсөлдөж байна. Эдгээрээс Asiana Airlines компани шалгарах магадлал илүү өндөр байгаа гэнэ.
