Тэрээр хайш яаш болсон наранд гандсан үстэй. Түүний арьс урьдын байсан шигээ цайвар цагаан болохгүй. Түүний биен дээр хаа сайгүй шавжинд хазуулж наранд түлэгдсэн сорви. Гэхдээ түүний арьсан дээрх сорви бүхэн сонирхолтой түүхийг өгүүлж чадна.
Аялагч охинтой битгий болзоорой. Түүнийг баярлуулах тийм ч амар биш.
Улиг болсон оройн хоол-кино түүнд тийм ч сонин биш. Шинэ зүйлс адал явдал хайн тогтож ядан байна. Чиний шинэ машин, үнэтэй бугуйн цаг ердөөсөө сонин биш. Харин тэр чиний энэ сайрхалыг сонсож суухаас илүүтэй ууланд авирах, онгоцноос үсрэхийг илүүд үзнэ.
Онгоцны хямдралтай суудал гарах бүрд чамайг захиалъя хэмээн залхаах тэр нэгэн аялагч охинтой битгий болзоорой. Тэр долоо хоног шоудахийн оронд өөр хаа нэгэн илүү сонирхолтой газарт долоо хоногийг өнгөрөөх боломжтой гэдгийг мэддэг учраас шоу үдэшлэгт мөнгө үрдэггүй.
Түүнд тогтвортой ажил хэзээ ч зохихгүй. Эсвэл тэр аль хэдийн ажлаасаа гарах тухай мөрөөдөөд, төлөвлөөд эхэлчихсэн байгаа. Тэр хэзээ ч хэн нэгний мөрөөдлөөр өөрийн амьдралыг золиослохгүй. Тэр өөрийн гэсэн мөрөөдөлтэй, түүнийхээ төлөө л ажилладаг чөлөөт ажилчин. Мөн дизайн гаргах, зохиол бичих, зураг авах аль эсвэл ямар нэгэн бүтээлч сэтгэлгээт ажил хийж мөнгө олдог. Өөрийн уйтгартай ажлынхаа тухай гомдоллож түүний цагийг үрэх хэрэггүй.
Аялагч охинтой битгий болзоорой. Их сургуулийнхаа зэргээ ч баллаж, эзэмшсэн мэргэжлээрээ хэзээ ч ажиллахгүй байж мэдэх нэгэн. Магадгүй одоо усанд шумбалтын дасгалжуулагч эсвэл иогийн багш хийж байгаа. Түүний дараагийн төлбөрийн хуудас хэзээ ирэхийг тэр мэдэхгүй. Гэхдээ тэр робот шиг бүхэл өдөржин ажилладаггүй. Тэрээр амьдрал түүнд ямар боломж олгоно түүнийг л шүүрч авдаг бас чамайг тийм л байхыг уриална.
Тодорхойгүй амьдралын хэв маягтай амьдралыг сонгосон аялагч охинтой битгий болзоорой. Түүнд байнгын төлөвлөгөө эсвэл тогтмол гэрийн хаяг гэж байхгүй. Зөвхөн өөрийн хүсэл, өөрийн зүрх сэтгэлээ л дагадаг. Мөн өөрийнхөө хэмнэлийг л даган бүждэг. Тэр цаг зүүдэггүй. Түүний өдрүүд нар, сараар хэмжигддэг. Давалгаад түүнийг дуудахад амьдрал зогсож, тэр өөр бусад бүхнийг умартдаг. Гэвч тэр усан дээгүүр гулган зугаацах нь амьдарлын хамгийн чухал зүйл биш гэдгийг мэдэхгүй биш мэддэг.
Өөрийн бодол санаагаа нээлттэй илэрхийлчихдэг аялагч охинтой битгий болзоорой. Тэр хэзээ ч аав ээж, найз нөхдөд чинь таалагдахын тулд жүжиглэхгүй. Хүндлэл гэж юу болохыг сайн мэддэг, гэхдээ дэлхий дахины асуудлууд, нийгмийн хариуцлагын тухай мэтгэлцэхээс хэзээ ч айхгүй.
Тэр чамгүйгээр хэзээ ч хэн ч биш болохгүй. Чиний туслалцаагүйгээр ч тэрээр майхнаа яаж барих, эрэг боолт яаж боохыг мэддэг. Тэр хоол сайн хийж чаддаг бас чамаар хоолны мөнгөө төлүүлэх шаардлага байдаггүй. Дэндүү биеэ даасан болохоор чиний түүнтэй аялах эсэх түүнд сонин биш. Аялалын цэгтээ ирээд чамайг түүнтэй хамт байхгүй байна гэж санагалзаж гуниглахгүй. Зөвхөн өөрийнхөө ертөнцөд маш завгүй амьдарч байна. Тэр танихгүй хүмүүстэй яриа өрнүүлдэг. Тэр өөрийнх нь сонирхол, хүсэл мөрөөдлийг хуваалцах бүх дэлхийн эргэн тойрноос хамгийн сонирхолтой олон олон хүнтэй уулзах болно.Магадгүй чамтай байвал тэр уйдна.
Тиймээс түүнтэй эн зэрэгцэж, түүний амьдралын нэгэн хэсэг нь байж чадахгүй бол аялагч охинтой хэзээ ч битгий болзоорой! Хэрэв чи эдгээрийг мэдэлгүй аялагч охинд дурласан бол түүнийг битгий аргамжаарай!
Түүнийг зүгээр л явуулаарай.
Эх сурвалж: Enjitravel.com
