Монгол улсын эмэгтэй шатарчдаас тивийн аваргын тэмцээний анхны медалийг Дэлхийн шатрын холбооны Мастер Төрмөнхийн Мөнхзул хүртлээ.
Тэрээр 2019 оны 6 дугаар сарын 6-16-ны өдрүүдэд БНХАУ-д зохион байгуулагдсан Ази тивийн аварга шалгаруулах тэмцээнд амжилттай оролцож хүрэл медалийн болзол хангажээ.
Энэ удаагийн тивийн аварга шалгаруулах тэмцээнд 20-иод орны 100 гаруй тамирчин оролцсон бөгөөд Монгол Улсаа төлөөлөн Их мастер Б.Мөнгөнтуул, ОУМ Н.Баттулга, ОУМ С.Билгүүн, ДШХ-ны ДМЭ Т.Мөнхзул, ДШХ-ны Мастер Г.Амартүвшин нар оролцсон байна.
Тэмцээний нээлттэй ангилалд Вьетнамын тамирчин ИМ Ли Куан Ли түрүүлжээ. Харин эмэгтэйчүүдийн ангилалд Казакстаны тамирчин ОУМ Динара 7.5 оноогоор түрүүлж, Индонезийн тамирчин С.Харисма 7,0 оноогоор мөнгөн медаль, Монгол улсын шатарчин, ДШХ-ны Дэд Мастер Т.Мөнхзул 6 оноогоор тивийн аваргын хүрэл медалийг хүртсэн байна.
