Европын Холбооны гишүүн орнууд эвслийнхээ удирдлага болон өндөр албан тушаалтнуудыг томилж эхлээд байна.
Энэхүү томилгооны хүрээнд Европын холбооны Хорооны Ерөнхийлөгчийг сонгосон байна. Уг албан тушаалд таван нэр дэвшигч өрсөлдсөн бөгөөд ХБНГУ-ын Батлан хамгаалахын сайд Урсула фон дер Ляйен сонгогджээ. Энэхүү сонгуульд ялсанаар тэрээр холбооныхоо анхны тэргүүлэгчээр тодорч байгаа юм.
Түүнийг сонгогдсон талаар Европын холбооны зөвлөлийн хэвлэлийн албанаас “Урсула вон дер Ляйен бол бусадтай өрсөлдөх чадвар болон хувийн чадамжаараа Европын холбооны хороог удирдахад хамгийн их тохирсон нэр дэвшигч” хэмээн мэдэгдлээ. Европын холбооны Хорооны Ерөнхийлөгчөөр сонгогдоод буй Урсула фон дер Ляйен нь өнгөрөгч 2018 онд Монгол улсын Батлан хамгаалахын сайд Н.Энхболдын урилгаар Монгол улсад айлчилж байсан билээ.
Түүнчлэн Бельгийн Ерөнхий сайд Шарль Мишель Европын Зөвлөлийн ерөнхийлөгчөөр томилогдсон бол Испанийн Жосеп Боррель гадаад бодлого, аюулгүй байдал хариуцсан дарга болжээ.
Харин Европын Парламентын ерөнхийлөгчийг өнөөдөр сонгох юм.
Европын холбооны хорооны Ерөнхийлөгчөөр анх удаа эмэгтэй хүн сонгогдлоо
}
Шинэ мэдээ
