Өнөөдөр хуралдаж буй Засгийн газрын ээлжит хуралдаанаас гаргасан шийдвэрийн талаар ЗГХЭГ-ын дарга Л.Оюун-Эрдэнэ танилцууллаа.
Тэрбээр “Засгийн газрын хуралдаан одоогоор үргэлжилж байна. Энэхүү хурлаар шийдвэрлэх асуудлууд нэлээдгүй байгаа. Хуралдаан дууссаны дараа сайд нар мэдээлэл хийх байх. Миний хувьд “Жаст”-ын Ш.Батхүүтэй холбоотой мэдээллийг хүргэе.
Ш.Батхүүгийн хөрөнгийг битүүмжилсэн гэдгийг та бүхэн мэдэж байгаа. Үүнийг нууцын зэрэглэлээс гаргах ёстой гэсэн шаардлагыг удаа дараа гаргасан. Иймд ХЗДХ-ийн сайдын өргөн барьсан Эрүүгийн хууль, Зөрчлийн тухай хууль зэргийн давхцлыг арилгах гэсэн хуулийн төслийг яг одоо хэлэлцэж байна. Үүн дээр яригдсан нэг зүйл бол АТГ-аас ЗГХЭГ-т хүсэлт гаргаж, Ш.Батхүүгийн хөрөнгийн жагсаалтыг гаргаж өгсөн. Одоогийн байдлаар “Жаст” группын Ш.Батхүү болон түүний хамаарал бүхий этгээдүүдэд 185 объект бүртгэлтэй байна. Энэ хөрөнгийг үнэлбэл 98 тэрбум төгрөгийн үнэ бүхий хөрөнгө одоог хүртэл түүнд байгаа гэж үзэж болохоор байна. Харамсалтай нь, ШТС-ууд нь үйл ажиллагаагаа явуулсаар байгаа хэрнээ мөнгөгүй гэж хэлээд сууж байгаа юм. Ийм байдлаар төрийн мөнгийг үнэгүйдүүлсэн бүлэг хүмүүс байна” хэмээн мэдэгдлээ.
Л.Оюун-Эрдэнэ: Ш.Батхүүд 98 тэрбумаар үнэлэгдэх 185 объект байгаа нь тогтоогдсон
}
Шинэ мэдээ
