Нэгдүгээр ангид элсэгчдийг бүртгэж эхэллээ

Нийслэлийн Ерөнхий боловсролын сургуулийн 2019-2020 оны хичээлийн жилд нэгдүгээр ангид элсэн суралцагчдыг тавдугаар сарын 13-27-ны өдрүүдэд бүртгэсэн билээ. Энэ үеэр бүртгүүлж амжаагүй хүүхдүүдийг бүртгэх ажиллагаа өчигдрөөс эхэлж энэ сарын 30-ныг дуустал үргэлжилэхээр болжээ.
Харин энэхүү бүртгэлд хавар бүртгүүлсэн хүүхдүүд дахин бүртгүүлэх шаардлагагүй бөгөөд 2014 оны нэгдүгээр сарын 1-нээс хойш төрсөн хүүхдийг бүртгэхгүй болохыг мэдэгдлээ.
Элсэгчдийн бүрдүүлэх материал:
 Хүүхдийн төрсний гэрчилгээний эх хувилбар болон хуулбар
 Эцэг эх болон асран хамгаалагчийн үнэмлэх хуулбарын хамт
 Хүүхдийн 3х4 хэмжээтэй нэг хувь цээж зураг
 Шилжилт хөдөлгөөн хийсэн бол шилжилт хийсэн материал
 Шаардлагатай тохиолдолд УБЕГ-ын лавлагаа болон бусад нэмэлт материалыг үзнэ.
Элсэгчдийг өөрсдийн нь хамран сургах тойргийн улсын сургуульд ямар нэгэн шалгалтгүйгээр бүртгэн элсүүлэх бөгөөд бүртгэлийн хураамж бусад төлбөр авахгүй.
Энэ хичээлийн жилд 38,232 сурагч нэгдүгээр ангид элсэн орох аж.
Өөрсдийн хамран сургах тойргийг энд дарж үзнэ үү.