Эрүүл мэндийн яамнаас шуурхай мэдээлэл хийлээ.
ЭМЯ-ны Төрийн захиргааны удирдлагын газрын дарга Б.Цогтбаатар “Сөүл-Улаанбаатар, Берлин-Москва-Улаанбаатар чиглэлийн тусгай үүргийн онгоцоор ирсэн иргэдээс гурван хүний лабораторийн шинжилгээний хариу 20:00 цагийн үед гарч, COVID-19 илэрлээ.
Эдгээр хүнд шаардлагатай тусламж үйлчилгээг үзүүлж эхэлсэн. Бид тооцоолж байсны дагуу иргэдийг нэг бүрчлэн тусгаарлан зохион байгуулсан.
Францаас Берлинээр дамжин ирсэн хүний биеийн байдал хүнд байна” гэж мэдээллээ.
