![\"\"](http://resource.breakingnews.mn/image/2016/09/28/ya3hn7k9qahqbpuc/hrh.jpg "\\"\\"")
Баянзүрх дүүргийн прокурорын газраас 3 дугаар улирлын төлөвлөгөөнд тусгагдсаны дагуу Хорих 421 дүгээр ангийн харуул хамгаалалт зохих журмын дагуу явагдаж байгаа эсэхийг шөнийн цагаар гэнэтийн байдлаар шалгажээ. Шалгалтын хүрээнд прокурор хорих анги болон хорих ангийн бүсээс гадна байгаа гэрээт хэсгүүдэд очиж ялтны данс, бүртгэл, тооцоотой тулган, тэдэнд тавьж буй харуул, хамгаалалтын бэлэн байдалтай танилцсан байна. Он гарсаар тус ангиас ялтан оргосон, дахин гэмт хэрэг үйлдэгдсэн тохиолдол гараагүй бөгөөд харуул хамгаалалтын ажилтнууд журамд заасны дагуу ажил үүргээ гүйцэтгэж байсан байна гэж УЕПГ-аас мэдээллээ.
