Ерөнхийлөгчийн таамаглал ба Ц.Нямдоржийн хариу тайлбар

Монгол Улсын Ерөнхийлөгч Ц.Элбэгдорж сэтгүүлчидтэй \”зангиагүй уулзалт”
хийсэн. Уулзалтаар ямар асуудал яригдсаныг ерөнхийд нь гадарлаж байгаа биз. Ерөнхийлөгчийн
хувьд УИХ-ын дэд дарга Ц.Нямдоржийг \”Эрдэнэт”-ийн асуудлаар улс төр хийсэн.
Түүнээс \”Эрдэнэт”-ийн ирээдүй, ард түмний сайн сайхны төлөө санаа зовсон зүйл
байхгүй. Мөн Сангийн сайд Б.Чойжилсүрэнтэй хуйвалдсан гэж таамаглаж байна гэх
мэтээр мэдэгдэл хийсэн байгаа.

Орон нутгийн сонгуулийн сурталчилгааны үеэр нэр хүнд нь унаад байгаа МАН-д
Ц.Нямдорж гишүүний АН-ыг буруутгах үйлдэл үр дүнтэй байж мэдэх. Гэвч
Ерөнхийлөгч тайлбар хийснээр энэ сурталчилгаа цааш явахааргүй боллоо гэж
ойлгогдсон.

 

Гэхдээ л архаг гишүүн зүгээр буугаад өгөхийг хүссэнгүй чуулганы индэр
дээрээс Монгол Улсын Ерөнхийлөгчид хандаж \” … Би УИХ-ын
гишүүнийхээ хувьд төрийн байгууллагаас мэдээлэл авч, асуудал дэвшүүлэх
эрхтэй.Энэ эрхийнхээ дагуу \”Эрдэнэт” үйлдвэрийн талаар татвар болон бусад
газруудаас мэдээлэл авсан. Намайг бараг Б.Чойжилсүрэнтэй хуйвалдчихлаа гээд
Ц.Элбэгдорж өнөөдөр юм ярилаа. Би Б.Чойжилсүрэнтэй хуйвалдаад 49 хувийг
нь авчихсан юм уу хаашаа юм.Энэ одоо юу яриад байгаа юм. Энэ асуудлаар
надад Засгийн газарт ч байхгүй мэдээлэл байна. Наймдугаар
сарын байдлаар улсын төсөвт 20 тэрбум төгрөг оруулсан байсан юм.

\”Эрдэнэт”-ийн 49 хувийг
худалдаж авах үйл ажиллагааг зохион байгуулсан хүн нь Ц.Элбэгдорж
өөрөө.Зургаадугаар сарын 29-ндТашкентад гурван улсын уулзалт
болоход ХХБ-ны О.Орхон нь өөрөө очиж эцсийн цэг тавьсан.Би үүнийг л
хэлсэн юм.Одоо мэдэн будлиад байж хэрэггүй.

\”Эрдэнэт”-ийн татвар
төлөлтийн байдлыг намын бүлэгт гаргаж өгсөн мэдээлэл байна. Наймдугаар сарын
байдлаар улсын төсөвт 20 тэрбум төгрөг оруулсан байсан юм.Есдүгээр сарын
байдлаар \”Эрдэнэт” үйлдвэр 54 тэрбум төгрөгийн татвар оруулсан байнагэж
ТЕГ тайлан гаргаж өгсөн байна. Ноднин жил 323 тэрбум төгрөгийн татвар төлж
байсан юм.

Тэгэхэд \”Эрдэнэт”-тэй
адилхан үйл ажиллагаа явуулж буй\”Оюу толгой” есдүгээр сарын мэдээгээр
улсад 278 тэрбум төгрөг татварт төлчихсөн байна.Өнгөрсөн жил Оюутолгой
140 тэрбумыг төлсөн. Энэ жил дахиад 278 тэрбумыг төлчихөөд байна.278
тэрбум 54 тэрбумын хооронд асар их зөрөө байгаа биз.

Өдөр нь 11:00 цагт
Ерөнхийлөгч нь мэдэгдэл хийгээд орой нь сэтгүүлчидтэй уулзах юм гэсэн. Өнөө орой \”Худалдаа хөгжлийн банк”-ны
ойролцоо \”Эрдэнэт”-ийн Ц.Даваацэрэн гэх хүмүүс сэтгүүлчидтэй зангиагүй уулзалт
зохион байгуулах гэж байна. Ингээд
л энэ луйврыг дарах бүх ажиллагаа явагдана даа. Энэ Эрдэнэтийнхээ асуудлын
учрыг нь олоорой. Би хэрэгт дуртайдаа ингээд байгаа юм биш шүү. Энэ олигарх, хуйвалдааны бүлэглэл чинь
ард түмний нуруун дээр хувалз шиг суучихаад, самарчих гээд байна.Хэрвээ
Эрдэнэтийн асуудал ингэж Ерөнхийлөгчийн хэмжээнд яригдах байсан юм бол УИХ-д энэ асуудлаа оруулж ирэхгүй яасан
юм. Саналаа УИХ-д оруулж ирж, УИХ-аас
зөвшөөрөл авах ёстой. Зургаадугаар сарын 13-ны хуралдаанд Эрдэнэтийн 49 хувийг
\”Худалдаа хөгжлийн банк”-ны хоёр ажилтан бүтэн танилцуулсаар байгаад л
шийдвэрийг гаргуулсан юм байна лээ. Хуулийн зөвлөх нь, Нэгдүгээр орлогч нь байсан. Засгийн газрын хуралдаан дээрсайд
шиг танилцуулж байгаад л энэ шийдвэрийг гаргуулаад авсан юм байна лээ шүү дээ” гэсэн тайлбарыг хийсэн юм.

Ерөнхийлөгчийн хувьд \”Эрдэнэт” үйлдвэрт ямар ч сонирхол, нэг ч төгрөгийн
сонирхол байхгүй гэдгээ мэдэгдсэн. Харин УИХ-ын дэд дарга түүнийг \”Эрдэнэт
үйлдвэрийг ХХБ-нд худалдах бүхий л ажлыг гардан зохион байгуулсан” мэтээр
мэдэгдсээр байна.

 

Тэдний маргаан хаана очиж төгсөх бол. Орон нутгийн сонгуулийн сурталчилгаа
явагдаж байна. Тэгэхээр хоёр намын лидерийн хувьд өөрсдийнх нь яриад байгаа цэвэр
улс төр гэгчээ хийж байж болох л юм. Ерөнхийлөгч хэлсэн дээ \”улс төрчийн мэдэгдэл сүржин
байх тусмаа л худлаа байдаг шүү дээ” гэж. Ц.Нямдоржийнх ч тэр, Ерөнхийлөгчийнх ч тэр сүржин
байсан, сүржин байсан.

А.Аюуш

Үндэстэн
агентлаг