Монгол Улсын сайд, Түгжрэлийг бууруулах үндэсний хорооны дарга Ж.Сүхбаатар Засгийн газраас гаргасан шийдвэрийг танилцууллаа.
“Энэ удаагийн төсвийн бодлогоор түгжрэлийн эсрэг хатуу бодлого явуулахаас түдгэлзэж байна.
Үндэсний хороо түгжрэлийн эсрэг хууль гаргах, авто зам ашигласны төлбөр, машинтай холбоотой татвар зэрэг асуудлуудыг иж бүрэн авч үзэхээр болж байна. Ард иргэд хэцүү байгаа үед төсвийн бодлогоо анхаарч үзье гэсэн. Энэ асуудлыг ирэх сард багцалж, цогцоор нь танилцуулах үүрэг чиглэлийг авч байгаа.
Засгийн газрын хуралдаанаас өгөгдсөн бас нэг чиглэл нь төрийн байгууллага болгон өөрсдөө түгжрэлийн эсрэг ажиллах ёстой гэсэн. Үндэсний хороонд энэ талаарх ажлын төлөвлөгөө гаргаж хэрэгжүүлэхийг дэмжсэн. Энэ дагуу зарим ажил нийслэлийн байгууллагад хийгдэж эхэлсэн. Тухайлбал хүүхдээ хүргэж өгдөг албан хаагчдаа бүртгээд тэдэнтэй ярилцаж уян хатан ажлаа зохицуулж байна.
Ойрын хугацааны түгжрэлтэй холбоотой асуудлуудыг ажлын төлөвлөгөөний хүрээнд хийнэ” гэв.
