Өнөөдөр баярлаж, маргааш \”зул асаах”-ыг хэн ч хүсэхгүй

$\"\"$

Ресторан, баар, том, жижиг гэлтгүй битүү, албан байгууллагуудын шинэ жилийн үйл ажиллагаанд дараастай. Оны эцэст мянган хүнтэй групп компаниас эхлээд хоёр гурван хүнтэй жижиг цех хүртэл шинэ жилийн баяраа хамт олноороо тэмдэглэх гэж хичээнэ. Тиймээс ч байрны булан дахь \”огтоны нүх” хүртэл захиалгад дарагддаг онцгой сар юм л даа.

Бүтэн жилийн турш хийж бүтээснээ хэлэлцэж, тухайн онд хамгийн үр бүтээлтэй ажилласан нэгнээ шилдгээр өргөмжлөх гээд шинэ жилийн баяраар тэмдэглэх асуудал мундахгүй. Найр цэнгээн л учраас архи, дарс байх нь ойлгомжтой. Гэвч манайхны баяр, цэнгэл эцсийн хязгаар хүртэл үргэлжилдэг нь харамсалтай.

Нэгэн мундаг санхүүч бүсгүй 2013 оны байгууллагынхаа \”шилдэг ажилтан” болж. Гэвч энэ баяртай мэдээг ар гэрийнхэндээ дуулгаж чадалгүй хорвоог орхисон харамсалтай хэрэг орон нутаг гарч байв. Бидний эцсийн хязгаар хүртэл баярладаг \”муухай Монгол зан”-гийн гай. Тэгвэл орон нутаг нэг \”шилдэг ажилтан\” осгож хорвоог орхих үед нийслэлд таван хүн баяраа тэмдэглэхээр гэрээсээ гараад харьж чадаагүй. Маргааш нь арваад хүн мөн л шинэ жилийн арга хэмжээнээс тараад харих гэж яваад осгож нас барсан гэх таагүй мэдээг Цагдаагийн Ерөнхий газраас 2013 онд өгч байлаа.

Баярлаж байгаа хүн ууна, иднэ. Гэвч эцсийн үр дүн нь хүний амь настай холбогдоод ирэхээр ямар юмных нь баяр байх вэ дээ. Тун харамсалтай.

Саяхан нэлээд оройхон ажлаа тараад харьж явтал цэцэрлэгийн хашаа дагаж гуйвсан бүсгүй урд алхаж явна. Баярын сархадаа хэтрүүлсэн нь ойлгомжтой. Өндөр өсгийт дээр явж ядна. Унаж, босно. Шилэн торко, булган шубээр гоёсон бүсгүйд даанч туслаад түшээд явах хүн надаас өөр алга. Би дургүй байсан ч хаяад явж чадсангүй. Гэтэл манай дээд айлын танил эгч явж байв. Гэртэйгээ ойрхон ресторанд баяраа тэмдэглэсэн. Ажлыхан нь цаашаа үргэлжлүүлэх гэхээр нь эртхэн харих санаатай нууцаар гараад ирж. Тэгсэн салхинд алхаад бүр согтчихлоо. Нөхрөө дуудах гэсэн утасны цэнэг дуусчихсан байна. Тэгээд л хашаа түшээд алхаж яваагаа хэллээ. Би ч зам нэг, мөн танидаг хүн болохоор хүргэж өгөхдөө төвөгшөөсөнгүй.

Байрны танил эгчид аз дайрлаа. Гэтэл түүнтэй адил хэчнээн бүсгүй шинэ жилийн баяраа тараад хашаа даган алхаа бол эсвэл алхах бол эсвэл бүр орон нутгийн шилдэг санхүүч бүсгүй шиг осгох гэртээ харьж чадалгүй хорвоог орхих бол.

Баярлаж болно. Ууж ч болно. Гэхдээ л дараагийн хяналтаа сайжруулмаар л байна. Баярын дараа согтсон нэгнээ хүргээд өгчихдөг эсвэл ядаж таксинд суулгаад өгдөг бүр болдоггүй юм бол гэрийнхэнд нь хэл дуулгачихдаг бол \”осгож хорвоог орхисон\” хүмүүсээс хэд нь амьд байх байсан бол оо. Гэхдээ шинэ жилийн баярын үйл ажиллагаа дуусах яагаач үгүй байна. Тиймээс баяраа тэмдэглэх гэж байгаа албан байгууллагууд энэ асуудалд анхаарлаа хандуулж, зөв соёлтой, хамгийн гол нь баярын маргааш харамсаж суухааргүй сайхан баярлана гэдэгт итгэж байна. Өнөөдөр баярлаж, маргааш нь \”зул асаах”-ыг хэн ч хүсэхгүй биз дээ.

Л.Тамир

Өнөөдөр баярлаж, маргааш \”зул асаах”-ыг хэн ч хүсэхгүй

Related Posts

Шинэ мэдээ