Эрчүүд авч байсан хамгийн “тэнэг” бэлэгнийхээ талаар ярив

Эрчүүд нээх бэлэг сэлт аваад,
түүнд ач холбогдол өгөөд байдаггүй л дээ. Гэхдээ хэн нэгнээс ирсэн сэтгэл
шингэсэн бэлгэнд дургүй хэн байхав. Даанч бүсгүйчүүд заримдаа дэндүү хайнга зан
гаргаж, найз залуудаа, нөхөртөө хэзээ ч хэрэглэхгүй, ямар ч ашиггүй, тэнэг
бэлэг өгчихдөг тохиолдол бий. Энэ талаар
залуус ярьж байна.

• Миний авч байсан хамгийн тэнэг бэлэг бол хоёр жилийн өмнөх
найз охиноосоо авсан үсний даруулга юм байна. Тоглоод өгсөн бол ч яахав гэхсэн.
Миний төрсөн өдрөөр шүү дээ. Хэлэхдээ \”Чи минь урт үстэй юм чинь дандаа энийг
зүүгээд явж бай. Тэгэхээр цэвэрхэн, хөөрхөн ш дээ” гэсэн. Би лав хэзээ ч тэгэж
тэнэгтэхгүй. /22 настай, Ж/

• Бид хоёрын анхны Валентин цагаан сарын үеэр болж өнгөрсөн юм л
даа. Айлд очоод шоотой цамц бэлгэнд авсан чинь найз охин маань яг адилханыг
Валентины бэлэг гээд өгсөн. Дотроо шоконд орсон ч гэсэн гаднаа бол \”Баярлалаа
хайраа” гээд л авсан. Гэхдээ хайртай ханийн минь өгсөн анхны бэлэг болохоор
одоо гэртээ байнга өмсдөг. Хоёр цамцаа ээлжлээд л хэхэ. /32 настай, А/

• Миний бэлгийг гүйцэх тэнэг бэлэг хаа ч байхгүй байх аа. Төрсөн
өдрөөр минь хуучин найз охин надад эмэгтэй хүний хиймэл эрхтэн бэлэглэж байсан.
Хайрцганд их л гоё боож баглачихсан. Яагаад надад бэлэглэснийг нь асууя гэсэн ч
салчихсан л даа. /24 настай,Х/

• Хүний сэтгэл гаргаж хийсэн зүйлийг тэнэг гэж ярих ч бас муухай
юм даа. Гэхдээ л бэлгийг нь харчихаад би бүр үнэхээр шоконд орж билээ.
Валентины баяр л байсан байх. Надад бид хоёрын авахуулсан зурагны гадуур цагаан
бичгийн цаасаар хайчлаад хийчихсэн хайчилбаран жааз өгсөн. Гайхсандаа бүр таг
хөшөөд \”Баярлалаа” гэж хэлээд л авсан даа. /28 настай,Э/

• Төрсөн өдрөөр минь надад \”Монгол улсын замын хөдөлгөөний
дүрмүүд” гэдэг том, жижиг хоёр номыг боолгоод өгч байсан. Тийм ч онцгүй бэлэг
биш л дээ. Гэхдээ л надад тэнэг санагдсан. /23 настай, С/

• Салонд 70 000 төгрөгөнд орж үйлчлүүлэх эрхийн бичиг авсан юм
байна хаха. Өөр залуу яахыг мэдэхгүй. Би лав ээждээ шууд өгсөн. /25 настай, Г/

• Би хайртай хүнээсээ ерөөсөө бэлэг авч байгаагүй. Тэнэг ч
хамаагүй бэлэг л авах юмсан гэж хүсдэг. /21 настай, М/

• Надад арван жилд байхад нөгөө ангийн охин наборны хайрцганд
баримлын шавраар хийсэн зураг өгч байсан юм байна. Тэр үед хөдөлмөрийн хичээл
дээрээ л хийсэн юм байх даа гэж хамгийн түрүүнд толгойд орж ирж билээ. /26
настай, Б /

• Миний төрсөн өдрөөр үерхэж байсан охин маань гадуураа гялгар
тор, ягаан бантиктай эрэгтэй эмэгтэй хүүхдийн сувинер бэлэглэж байсан. Надад
сэтгэлгүй нь тэр байсан юм болов уу даа. Уг нь өдий насны хүмүүс чинь арай өөр
л сэтгэдэг биз дээ. Угаасаа надад хэрэгтэй зүйл биш болохоор би задлахгүй
хадгалж байгаад ажлынхаа монитад өгчихсөн. /30 настай, Ч/

• Үерхээд удаагүй байхад миний төрсөн өдөр болсон юм. Хуучин найз
охин маань надад том хайрцагтай бэлэг өгч байна аа. Баярлаад л задалсан чинь
хүүхдээ урдаа үүрэх зориулалттай үүргэвчирхүү зүйл байсан. Хамт байсан найз
нөхөд ч яахав. Ангалзаад л, хашгиралдаад л \”Манай Билэгээ ингээд айлын аав
боллоо доо” гэцгээж байхад би л улайж, найз охиндоо ч олигтой юм хэлж чадахгүй,
эвгүй байдалд орсон. /23 настай, Б/

• Сая Валентинаар манай найз охин надад гадуур супермаркетуудаар
зарагдаад байсан \”Хайртай шүү” гэдэг бичигтэй заводын зүрхэн шоколад
бэлэглэсэн. Яахав болно л доо. Гэхдээ хамгийн гол нь тэрийгээ надад өөрөө
хийсэн гэж хэлсэн юм. Заавал шоколад хайлуулах ёстой ч биш, дэлгүүрээс авсан
гэдгээ үнэнээр нь хэлсэн нь дээр байсан юм. Сүрхий харагдах гэж худлаа хэлсэн
нь л онцгүй санагдсан даа. /22 настай Г/

• Тэр үедээ л тэнэг санагдаж байсан юм байна. Хайртай хүнээсээ
авсан болохоор л одоо хүртэл өөртөө хадгалж байсандаа баярладаг. Валентины
баяраар Буддагийн сургаалтай ном бэлгэнд авсан юм. Найзууд маань шоколад,
үнэртэй ус авч байхад минийх харин Буддагийн сургаал. Аргагүй л найз охин минь
өгсөн юм шүү дээ гэж бодоод \”Баярлалаа чамдаа” гээд авсан. Харин ажилд ороод
өдөр тутам стрессдэхээрээ номоо дэлгэж уншчихаад л өөдрөг, зөв энерги,бодолтой
алхах болсон шүү. Миний хайр тийм л ухаантай, алсын хараатай бүсгүй байгаа юм
даа. /29 настай, Ж/