Монголын үндэсний бөхийн холбоо хоёр хуваагдаж, маргаан үүсгээд багагүй хугацаа өнгөрч байгаа. Монгол Улсын Ерөнхийлөгчийн зүгээс бөхийн холбоог яаралтай учраа олох, маргаанаа эцэслэх чиглэл өгсөн. Тиймээс “Гацуурт” ХХК-ийн захирал Л.Чинбат тэргүүтэй Дархан аварга Х.Баянмөнх, улсын арслан Д.Мөнх-Эрдэнэ, улсын заан Б.Сайнбаяр, Ц.Магалжав, улсын начин Ц.Дуламсүрэн нарын бүрэлдэхүүнтэй ажлын комисс байгуулахаар болжээ.
Монголын үндэсний бөхийн холбоо Л.Чинбат, Б.Бат-Эрдэнэ гэсэн хоёр даргатай байсан бол тэд хоёулаа МҮБХ-ны даргаас нэрээ татаж, “Их Эе” хурлаа дахин хийхээр болсон байна. Тиймээс Дархан аварга Х.Баянмөнхөөр ахлуулсан ажлын хэсэг байгуулж, “Их Эе” хурлаа зохион байгуулах, товлох, зохион байгуулах комиссоор ажиллах юм байна. Монгол Улсын Ерөнхийлөгчийн зүгээс тавдугаар сард багтаан бөхийн холбоо маргаанаа цэгцэл, үгүй бол Бөхий өргөөг улсын өмчид авна гэдгээ мэдэгдсэн юм.
Хоёр хуваагдаад байсан МҮБХ санал нэгдэж “Их Эе” хурлыг дахин зохион байгуулахаар болжээ
}
Шинэ мэдээ
