Саяхан УИХ-ын ээлжит чуулган болж хүчирхийллийн гэмт хэрэгт нэр холбогдоод байсан МАН-ын залуу гишүүн Д.Гантулга өөрийн үнэн зөвийг шалгуулхаар УИХ-ын гишүүнээсээ сайн дураараа татгалзах шийдвэрийг гаргав. Үүний дараа тэрээр ордноос гарч ирэн сэтгүүлчдэд ярилцлага өгөхдөө: “Энэхүү шийдвэрийг гаргах хүнд байлаа. Энэ асуудал бол анхнаасаа улс төрийн шоу байсан, мөн намайг болон манай намын нэр хүндийг унагаах гэсэн явуургүй бодлого байсан. Одоо би жирийн иргэний хувьд асуудлаа хуулийн байгууллагаар шийдүүлнэ. Нийт сонгогчдоосоо хүлцэл өчиж байна гэсэн” юм. Тэгвэл хэд хоногийн өмнө УИХ-дах МАН-ын бүлгийн гишүүн Л.Оюун-Эрдэнэ: “60 тэрбумын хэрэгт нэр холбогдсон УИХ-ын дарга М.Энхболд УИХ-ыг удирдах ёс зүйн эрхгүй гэж бодож байна. УИХ-ын дарга М.Энхболд бүрэн эрхээсээ татгалзаж, хуулийн байгууллагаар шалгуултал чуулганы хуралдаанд суухгүй” гэж мэдэгдлээ. Энэ бүхнээс үзэхэд МАН-ынхан дотроо ихээхэн зөрчилтэй байдаг нь тодорхой харагдаж байна. Харин үүнийг нь сөрөг хүчин болох АН-ынхан МАН дотроосоо ялзарч байгаагийн шинж гэж үзэж байгаа бололтой. Ерөөсөө сөрөг хүчин болох АН өнгөрсөн хугацаанд улс орны эдийн засаг огт сайжраагүй, харин ч доошоо уруудсан гэж ил тод мэдэгддэг. Тиймээс ч сөрөг хүчин болох АН-ынхан ирэх сонгуулиар ард түмэн тэдэнд барагтай л бол саналаа өгөхгүй хэмээн тооцоолж сууна. Үнэндээ ч зарим эдийн засагчдын үзэж байгаагаар МАН-ын засаг барьсан энэ хугацаанд эдийн засаг олигтой сайжраагүй хэмээн үздэг. Тийм ч учраас ард түмний сэтгэл санаа гонсгор байгаа нь ойлгомжтой юм. Харин эрх баригч МАН-ынхан энэ бүхнийг дэлхийн эдийн засгийн хямралтай холбоотой гэж тайлбарлаж байгаа. Гэхдээ юуны учир жирийн нэг намынх нь гишүүн УИХ-ын даргаа муу муухай үгээр дайрч довтлох болов гэдэг асуулт гарч ирнэ. МАН-ын зарим эрхэмүүд үүнийг АН-ын тагнуул манай намд шургалснаас ийм инээдэмтэй жүжиг тавигдиж байна гэж ярьж байгаа бол зарим улс төр судлаачид үүнийг МАН-ын дотоод зөрчил дээд цэгтэй тулжээ гэж харж байна. Ямар ч байсан сонгуулийн өмнө иймэрхүү ноцтой ч гэмээр эвгүй ч гэмээр асуудлууд шил дараалан гарч байгаад МАН-ын одоогийн удирдлагууд тун бухимдангуй байгаа сурагтай. Тэгэхээс ч аргагүй юм. Харин энэ байдлыг далимдуулан АН-ын нөхдүүд УИХ-дарга болон Ерөнхий сайдыг нэн яаралтай огцруулхаар ханцуй шамлан дайрч эхэллээ. Нөхцөл байдал ийм байгааг улс төрийн бусад нам эвсэлүүд ч анхааралтай ажиглаж сууна. Тийм ч болоод тэрүү МАН-ынхан удахгүй хуралдаж асуудлаа яаравчлан шийдвэрлэх гэж буй сурагтай. Уул нь ард түмэн эдгээр хүмүүст итгэл хүлээлгэж саналаа өгч сонгосон. Харин эд нар ард түмэн рүүгээ ус цацаж байгаа юм шиг сэтгэгдэл өөрийн эрхгүй төрүүлж байна. Тэгэхдээ намынх нь жирийн нэг гишүүн дарга руу гаа оймс шидэж байгаа юм чинь дараачийн удаа юу шидэх юм болдоо гэдэг л ихээхэн сонин байна. Арай нөгөө хилийн цэргийнхэн генералаа буудчихлаа гэхэд гайхах зүйл алга гэдэг шиг юм болчих юм биш биз дээ гэсэн сэтгэгдэл өөрийн эрхгүй төрүүлж байна.
