-Нарантуул худалдааны төвд гарсан гал түймрийг бүрэн унтраалаа-
Нарантуул худалдааны төвд гал түймрийн дуудлагыг 2016 оны 03 дугаар сарны 03-ны өдрийн 03 цаг 39 минутанд Цагдаагийн Ерөнхий газрын Мэдээлэл, шуурхай удирдлагын төвийн 101 дугаарын утсанд нийслэлийн Баянзүрх дүүрэг 14 дүгээр хороо \”Нарантуул” худалдааны төв шатаж байна гэж дуудлага өгснөөр анхны дуудлагаар Гал унтраах аврах 10 дугаар ангийн 1 дүгээр тасгийг 03 цаг 40 минутанд гаргаж нэмэлт дуудлагаар Гал түймэр унтраах 14, 18, 26, 29, 30, 34, 35, 63 дугаар ангиуд болон Нийслэлийн аврах ангиудыг гаргасан.
Гал унтраах ажиллагааг шуурхай зохион байгуулж хүрэлцэн ирсэн техник, хүн хүч хэрэгслийг 3 хэсэгт хувааж тус обьектын баруун, зүүн, урд талуудад байрлуулж, гал түймрийн нөхцөл байдлыг тогтоох, гал түймрийг унтраах, аврах болон хайгуулын ажиллагааг зэрэг явуулан удирдлага, зохион байгуулалтаар хангаж ажилласны үр дүнд 04 цаг 40 минутанд гал түймрийн тархалтыг зогсоож, Гал түймэр унтраах 10 анги, салбарын нийт 127 албан хаагч, 25 техник хэрэгсэлтэйгээр 06 цаг 30 минут ажиллаж 182 тонн ус зарцуулан 10 цаг 24 минутанд гал түймрийг бүрэн унтраасан байна.
Гал унтраах үйл ажиллагааг тактикийн алдаагүй зохион байгуулсаны үр дүнд тус обьектын хойд болон зүүн хэсэгт байрлах иргэдийн 8 эгнээ бүхий 300 гаруй лангууны бараа материалыг авран хамгааллаа гэж нийслэлийн Онцгой байдлын газраас мэдээллээ.
![\"\"](http://undesten.mn/uploads/posts/2016-03/1456992861_12804898_471999609663936_5578703188901924216_n.jpg "\\"\\"")
![\"\"](http://undesten.mn/uploads/posts/2016-03/1456992847_12804620_471999596330604_2693897538939686824_n.jpg "\\"\\"")
![\"\"](http://undesten.mn/uploads/posts/2016-03/1456992863_12821572_471999602997270_2045711351039661803_n.jpg "\\"\\"")
