Цэргийн гэгээнтнээр тодорсон гэх Их наран хутагт хэмээгч хүний тухай цахим орчинд өрнөж буй асуудлыг өчигдөр бид хүргэсэн. “Төрөөс дээш шашин үгүй атал, шашнаар зөвлүүлдэг төр үгүй атал төрийн тусгай чиг үүрэгтэй албыг мухар сүсгийн талбар болгож, тангараг өргөсөн эх орончдын сэтгэл зүйг хүчгүйдүүлж байгаа энэ мэт явдлыг шалгах хэрэгтэй.” хэмээн олон нийт шүүмжлэлтэй хандаж байгаа билээ. Тэгвэл энэ байдал одоо ч эрчээ алдалгүй үргэлжилж, ээлжит нэгэн мэдээлэл хөвөрч эхлээд байгаа юм. Энэ нь Их наран хутагтын мөргөл үйлдэж буй бурхантай холбоотой. Тайлбарыг засваргүйгээр хүргэе.
“Хужаагийн явуулгаар тодорсон хуурамч лам цэрэг цагдаагийн байгууллагынханыг доромжилж байна. Цэрэг цагдаа нартаа хандаад ганц л зүйл хэлий дээ. Доорх бичлэг дээр байгаа Наран хутагтын мөргөөд байгаа бурхан бол Хятад улсын дайны бурхан Куан Конг юм шүү дээ. Цэрэг цагдаа та бүхэн минь Урд хөршийн бурханд залбирагч Хутагтад мөргөөд их л доошоо орлоодоо. Тэр урд хөрш чинь Сахалаа зүүн гараараа илбэсэн цусан улаан нүүртэй бурхан шүтдэг юм. Энэ ямар учиртай зүйл яваад байгааг шалгаж тогтоох ёстой газар нь анхааралдаа аваарай. Одоо бүүр шашин соёлын довтолгоонд төрийн цэрэг өртдөг болжээ.” гэжээ.
Энэ тайлбарыг олон нийтийн сүлжээг идэвхтэй хэрэглэгчид аль хэдийнэ олж үзсэн биз ээ. Харин үүний хариуд Их наран хутагтын зүгээс “Хүний нутгийн бурханд мөргөж болдоггүй бол Бурхан багшаас эхлээд өөрийн тань гэр оронд /жаазанд/ бий… Тухайн орны зурагдсан бурхнууд баатар жанжин, аль ч оронд нийцсэн хүчирхэг хүмүүсийн дүртэй байдаг.. Хэн хүчирхэг амьдарч, алдаршиж чадсан нь бурханд дүрээ мөнхөлдөг… Ганц хятад биш дэлхийн олон улсад надыг хүндэлдэг шүтдэг олон хүмүүс бий.. Тэд нарын тахидаг бурханд би бүгдэд нь мөргөдөг.. Өөрийн тахих ёстой үндэсний бурхан болох Чингис хаан, Өүлэн ээж, Шүгдэн сахиус, Өндөр гэгээн, Галдан бошигт хаан гэх мэт бусад үнэт зүйлээ хог руу хаясан дээгүүр нь алхаж гишгэж явдаг, хөл толгойгоо олдоггүй байж хүнийг яасан дураараа шүүмжилдэг юм бэ…
Хэн намайг үгээр доромжлоно
Хэн намайг үйлдлээр гутаана
Хэн намайг сэтгэлээр хорсоно
Тэр бүхэн ГЭГЭЭРЭХ болтугай !!! ИХ НАРАН ХУТАГТ” гэсэн байна.
/Өмнөх мэдээллийг ЭНДЭЭС сонирхоно уу./
