Ойрын өдрүүдэд ихэнх нутгаар түр зуурын, дуу цахилгаантай аадар бороо орж байна. Ус цаг уур, орчны судалгаа, мэдээллийн хүрээлэнгээс маргаашдаа баруун, төв, зүүн аймгуудын ихэнх нутгаар, ялангуяа говийн аймгуудын зарим газраар түр зуурын дуу цахилгаантай бороо орно.
Долдугаар сарын 19, 20-ны өдрүүдэд баруун болон төвийн аймгуудын ихэнх нутаг, говийн аймгуудын зарим газраар бороо орж, мөн 20, 21-нд бага зэргийн дуу цахилгаантай бороо, 19-нд баруун аймгуудын өмнөд хэсгээр, 20, 21-нд нутгийн хойд хэсгээр салхи секундэд 14-16 м/с хүрч ширүүсэх юм байна.
Агаарын температурын хувьд сэрүүхэн байдаг Дархадын хотгор, Монгол Алтай, Хангай, Хөвсгөл, Хэнтийн уулархаг нутаг, Завхан голын эх, Тэрэлж голын хөндий, Хүрэн бэлчир орчмоор шөнөдөө 4-9 градус, өдөртөө 16-21 градус дулаан байна. Мөн Алтайн өвөр говь, говийн бүс нутгийн өмнөд хэсгээр шөнөдөө 17-22 градус, өдөртөө 30-35 градус хүрч хална.
Бусад нутгаар шөнөдөө 12-17 градус, өдөртөө 23-28 градус дулаан байх аж. Ойрын өдрүүдэд нутгийн хойд хэсгээр усархаг аадар бороо орох тул болзошгүй үер ус, аянга цахилгааны аюулаас сэрэмжтэй байхыг малчид иргэддээ анхааруулж байна.
Нутгийн хойд хэсгээр усархаг аадар бороо орно
}
Шинэ мэдээ
