![\"\"](http://undesten.mn/uploads/posts/2016-05/1462775803_untitled.jpg "\\"\\"")
Вашингтонд төвтэй
Олон улсын эрэн сурвалжлах сэтгүүлчдийн консорциум /ОУЭССК/ хууль бус хөрөнгө
хураагчидтай тэмцэх ажлынхаа хүрээнд Панамын арлуудад оффшор компани эзэмшдэг
олон хүний бичиг баримтыг олж авсан. Энэхүү олон сая бичиг баримтыг цэгцлээд 5
сарын 9-ний өдрийн 14:00 цагаас дэлхий нийтэд зарлана гэж мэдэгдсэн. Тэгвэл
орон нутгийн цагаар /Вашингтоны цагаар/ 5 сарын 9-ний 14:00 цаг нь манайхаар 5
сарын 10 буюу маргааш үүрийн 06:00 цаг юм. Гэхдээ ОУЭССК-д олон улс, тэр ч
бүү хэл АНУ-ын зарим албан тушаалтан хүртэл нөлөөлөхийг оролдож байна.
Тэдний
зорилго нь мэдээж өөрсдөдтэй нь холбоотой болон хань хамсаатантай нь холбоотой
нууц хөрөнгийг нуух гэснээс зайлахгүй. Манай улсаас хүртэл ОУЭССК-тай холбогдож
тодруулга авсан тухай УИХ дахь Өргөдлийн байнгын хорооны дарга Ж.Батзандан
гишүүн хэлсэн. Магадгүй манай улсын эрх баригчид Монголын талаарх мэдээллийг
хасч өгөхийг хүссэн ч байж болох юм. Өнгөрөгч онд жиргээ устгуулах хүсэлт
хамгийн их илгээснээрээ дэлхийд тэргүүлсэн Монгол Улс /Твиттер компани 1 сая хүн
амд оногдох жиргээ устгах хүсэлтээр энэхүү жагсаалтыг гаргадаг/ эрх баригчидтай
холбоотой аливаа асуудлыг нуун дарагдуулах гэсэн байж магадгүй л юм.
Ямартай ч,
ОУЭССК гаднын нөлөөнд авталгүйгээр, шударгаар зарлавал манайд хэд хэдэн улстөрч,
бизнесмэний нэр хүндэд сэвтэй зүйл болж болзошгүй. Монгол Улсад 40 гаруй
оффшортонгууд бий гэх бөгөөд тэдгээрээс Панамд оффшор компани эзэмшдэг хүн байх
бүрэн боломжтой. Ерөнхийдөө манайхан гол төлөв Их Британийн Виржинийн арал
болон Сингапурт оффшор компаниа байгуулдаг бөгөөд Виржинийн арал дахь нууц
компанийнхаа үйл ажиллагааг Хонконг юм уу Сингапураас явуулах нь элбэг.
ОУЭССК-оос
одоогоор нийтэд мэдээлээд буй Монголын оффшортонгууд 5 байна. Үүний хоёр нь Өвөр Монголын иргэн, гурав нь Монголын иргэн байна. Тухайлбал,
С.Баярцогт, Б.Дэлгэрсайхан, Я.Очирсүх гэсэн хүмүүс юм. С.Баярцогтын дуулианд
дарагдсан Борхүүгийн Дэлгэрсайхан, Янсанжавын Очирсүх хэмээн овог нэр, Монгол
дахь гэрийн хаяг, нууц компанийнх нь нэр болон нууц компани нь хаана бүртгэлтэй
зэрэг мэдээлэл тов тодорхой байх юм. Тэдний хэн болохыг хэлэх нь илүүц биз ямар
ч байсан төрд өндөр албан тушаал хашиж, одоо дахин хашихаар зүтгэж яваа юм
байна.
Борхүүгийн Дэлгэрсайханы хувьд хоёр оффшор компанид түүний нэр бүртгэлтэй байх
/хувь эзэмшдэг/ бөгөөд нэг нь Сингапурт, нөгөө нь Виржинийн аралд байдаг юм
байна. Харин Янсажавын Очирсүхийн хувьд С.Баярцогтын түрүү үе гэлтэй нэгэн
бөгөөд Виржинийн аралд \”Wisdom International Holdings Limited” хэмээх компанитай аж.
/Жич: Зурагт дурдагдсан хоёр гадаад нэртэй хүн хэдийгээр Монгол гэсэн жагсаалтад орсон ч Хөх хотод хаягтай, Өвөр Монголын иргэд байна/
