2018 оны 12 дугаар сарын 4-нийг хүртэлх цаг агаарын урьдчилсан төлөв
/ Шинэ сарын эхээр цас орж, хүчтэй салхи шуурга шуурч, эрс хүйтэрнэ /
Баруун аймгуудын нутгаар: 1-нд ихэнх нутгаар, 2-нд нутгийн зүүн хэсгээр, 3-нд зарим газраар цас орж, цасан шуурга шуурна. Салхи 30-нд Алтайн уулсаар 12-14м/с, 1-нд ихэнх нутгаар 18-20м/с, 2-3-нд нутгийн өмнөд хэсгээр 12-14м/с хүрч ширүүснэ. 27-30нд хүйтний эрч нэлээд суларч Идэр, Тэс, Завхан голын эх, Хүрэнбэлчирээр шөнөдөө 21-26 градус, өдөртөө 9-14 градус, Их нууруудын хотгор, Алтайн өвөр говиор шөнөдөө 7-12 градус хүйтэн, өдөртөө 0-5 градус дулаан, бусад нутгаар шөнөдөө 14-19 градус, өдөртөө 1-6 градус хүйтэн байна.1-нд нутгийн баруун хэсгээр, 2-3-нд эрс хүйтэрч Монгол Алтай, Хангайн уулс, Идэр, Тэс, Завхан голын эх, Хүрэнбэлчирийн хөндийгөөр шөнөдөө 31-36 градус, өдөртөө 17-22 градус, Алтайн өвөр говиор шөнөдөө 15-20 градус, өдөртөө 4-9 градус, бусад нутгаар шөнөдөө 22-27 градус, өдөртөө 11-16 градус хүйтэн байна.
Төвийн аймгуудын нутгаар: 27-нд нутгийн хойд хэсгээр ялимгүй цас орно. 1-нд нутгийн баруун хойд хэсгээр, 2-нд ихэнх нутгаар цас орж, салхи 16-18м/с хүрч ширүүсэн цасан шуурга шуурна. 3-нд зарим газраар бага зэргийн цас орж явган шуурга шуурна. 28-наас бүх нутгаар хүйтний эрч суларч 30-1-нд Дархадын хотгор болон голуудын хөндийгөөр шөнөдөө 19-24 градус, өдөртөө 8-13 градус, бусад нутгаар шөнөдөө 10-15 градус, өдөртөө 2 градус хүйтнээс 3 градус дулаан байна. 2-3-нд эрс хүйтэрч Дархадын хотгор, Хөвсгөл, Хангай, Хэнтэйн уулс, Ерөө, Туул, Тэрэлж орчмоор шөнөдөө 29-34 градус, өдөртөө 16-21 градус, бусад нутгаар шөнөдөө 22-27 градус, өдөртөө 12-17 градус хүйтэн байна.
Зүүн аймгуудын нутгаар: 28,30-нд нутгийн хойд хэсгээр ялимгүй цас орж, явган шуурга шуурна. 2-3-нд зарим газраар цас орж цасан шуурга шуурна. Салхи 28-30,3-нд зарим газраар 12-14м/с, 2-нд ихэнх нутгаар 16-18м/с хүрч ширүүснэ. 27-29нд Онон, Улз, Халх голын хөндийгөөр шөнөдөө 19-24 градус, өдөртөө 7-12 градус, бусад нутгаар шөнөдөө 14-19 градус, өдөртөө 3-8 градус хүйтэн байна. 30-нд нутгийн баруун хагаст, 1-нд бүх нутгаар хүйтний эрч эрс суларч шөнөдөө 12-17 градус, өдөртөө 2 градус хүйтнээс 3 градус дулаан байх ч 2-ноос эрс хүйтэрч 3-нд шөнөдөө 20-25 градус өдөртөө 11-16 градус хүйтэн байна.
Говийн аймгуудын нутгаар: 2-3нд зарим газраар бага зэргийн цас орно. Салхи 1-нд Арц Богдын хоолойгоор 12-14м/с, 2-3нд ихэнх нутгаар 18-20м/с хүрч шороон болон цасан шуурга шуурна. 27-28нд ихэнх нутгаар шөнөдөө 15-20 градус хүйтэн, өдөртөө 4 градус хүйтнээс 1 градус дулаан, 29-1-нд шөнөдөө 9-14 градус хүйтэн, өдөртөө 4-9 градус дулаан байх ч 2-3-нд эрс хүйтэрч Дундговийн нутгаар шөнөдөө 22-27 градус, өдөртөө 11-16 градус, бусад нутгаар шөнөдөө 18-23 градус, өдөртөө 7-12 градус хүйтэн байна.
