Лаос улс ОХУ-д Т-34 загварын гучин танкийг эргүүлэн өгсөн талаар ОХУ-ын Батлан хамгаалах яамнаас мэдэгдлээ. Танкнуудыг усан замаар дамжуулж Владивостокт хүргэн, Москва руу төмөр замаар тээвэрлэхээр болжээ. Энэхүү танкнууд нь саяханыг хүртэл Лаосын армид ашиглагдаж байсан бүрэн ажиллагаатай гэнэ. ОХУ-ын Батлан хамгаалахын сайд Сергей Шойгу 2018 онд Лаост айлчилжээ. Энэхүү айлчлалын үеэр танкуудыг Орос улсад буцаан өгөх, аугаа эх орны дайны тухай түүхэн кино хийх талаар тохиролцсон байна. Т-34 танк нь эх орны дайны үед гол зэвсэг байсан бөгөөд 1940 оноос хойш их хэмжээгээр үйлдвэрлэгдсэн юм. Зэвсгийн шинжээчид тус танкийг Дэлхийн хоёрдугаар дайны шилдэг танкуудын нэгээр нэрлэжээ.
Лаос улс ОХУ-д 30 танк буцаан өглөө
}
Шинэ мэдээ
