MNBC агаарын олон сувагт тоон телевиз сар шинийн баярыг угтан урамшуулалт арга хэмжээ зохион байгуулж байна. Энэ талаар тус байгууллагын Үйлчилгээний албаны дарга У.Болормаатай ярилцаж, MNBC тоон телевизийн хэрэглэгчдэд мэдээлэл хүргэж байна.
– MNBC агаарын олон сувагт тоон телевиз сар шинийн баярыг тохиолдуулан ямар урамшуулалт арга хэмжээ зохион байгуулж байгаа вэ?
-Монгол түмний уламжлалт сар шинийн баяр ойртож байна. Энэ баярыг угтан бидний зүгээс үндсэн багцын хэрэглэгчиддээ урамшуулах зорилгоор дараах арга хэмжээг зохион байгуулж байна. Тодруулбал, үндсэн багцын хэрэглэгч гурван сараар төлбөрөө төлсөн тохиолдолд Лояалти багцын нэг сар эрхийг бэлэглэх юм.
Өмнө нь шинэ жилийн баярыг тохиолдуулан Лояалти багцын хэрэглэгчдээ урамшуулал, бэлэг барьж байсан бол энэ удаад үндсэн багцын хэрэглэгчдээ гурван сараар төлбөрөө төлсөн тохиолдолд Лояалти буюу HBO-ийн хамгийн сонирхолтой контент үйлдвэрлэгч дөрвөн суваг, Скай тв кино суваг, E entertainment, National geographic, Motor vision гээд энтертаймент сувгуудыг нэг сар үзэх эрхээр бэлэг барьж байгаа юм.
Энэ урамшуулал нь 2019 оны нэгдүгээр сарын 7-ноос хоёрдугаар сарын 4 буюу битүүний өдөр хүртэл явагдах юм. Энэ хугацаанд багтаж, хэрэглээний төлбөрөө гурав ба түүнээс дээш сараар хийж урамшууллаа аваарай.
-Шинэ хэрэглэгч болсон тохиолдолд ямар урамшуулалтай вэ?
-Шинээр хэрэглэгч болсон тохиолдолд мөн нэг сарын Лояалти багцыг үзэх эрх бэлэглэдэг үндсэн урамшуулал маань явагдсаар байгаа. Түүнээс гадна 120 мянган төгрөгийн үнэ бүхий хүлээн авагч төхөөрөмжийг 85 мянган төгрөгөөр авах боломжтой.
– MNBC хэрэглэгчиддээ ойртож, шинэ үйлчилгээний салбаруудыг нээн ажиллуулж байгаа. Улаанбаатар хотын зүүн бүсэд нээгдсэн шинэ салбарын талаар мэдээлэл өгөхгүй юу?
-Улаанбаатар хотын зүүн бүс буюу Гачуурт, Хужир булан, Улиастай, Чулуун-Овоо, Ботаник, Шар хад орчмын хэрэглэгчиддээ бид улам ойртож, шинэ үйлчилгээний төвөө нээсэн. Энэ төвөөс засвар үйлчилгээ, шинэ хэрэглэгч, карт сэргээх, хэрэглэгчийн нэр солих гэх мэт манайхаас авах бүхий үйлчилгээнүүд нэг дороос авах боломжтой гадна дээр дурдсан урамшууллыг ч бас авах боломжтой юм. Үйлчилгээний төвийн байршлын хувьд Офицеруудын ордны зүүн хойно Хорго хотхоны хоёр давхарт байрлаж байна.
-Баруун, зүүн бүсэд шинэ төвүүд нээгдэж, хэрэглэгчиддээ ойртон ажиллаж байгаад талархаж байна. Харин хойд бүс буюу Баянхошуу, Зүүнсалаа чиглэлийг хэрэглэгчдэд хэрхэн ойртож, үйл ажиллагаагаа хүргэх вэ?
-Ирэх даваа гаригаас буюу 2019 оны нэгдүгээр сарын 14-нд Баянхошууны тойрогт үйл ажиллагаа явуулдаг OUTLET худалдааны төвийн хоёр давхарт шинэ худалдааны цэг нээхээр ажиллаж байна. Өмнө нь Сонгинохайрхан дүүргийн 24, 25 дугаар хорооны оршин суугчид манай үйлчилгээг авах боломжгүй байсан. Харин бидний зүгээс дахин дамжуулах станцыг шинээр байгуулснаар эдгээр хороонд амьдарч байгаа иргэд манай үйлчилгээг авах боломжтой болсон юм. Тиймээс эдгээр хэрэглэгчиддээ ойртож, үйлчилгээ үзүүлэхээр шинэ худалдааны цэг нээхээр ажиллаж байна. Энэхүү худалдааны цэг нь хоёр сарын хугацаанд үйл ажиллагаа явуулах бөгөөд “Монголын санхүүгийн групп” банк бус санхүүгийн байгууллагатай хамтран нээж байгаа. Ингэснээр шинээр хэрэглэгч болж байгаа иргэд банк бус санхүүгийн байгууллагын тусламжтайгаар манай төхөөрөмжийг зээлээр авах нөхцөл бүрдэх юм. Маш уян хатан нөхцлийг хэрэглэгчиддээ санал болгож ажиллана.
Мөн СХД-ийн 24, 25 дугаар хороо гэлтгүй 8, 9, 10 дугаар хорооны иргэд энэ цэгээр үйлчлүүлж болох юм. Бидний хэрэглэгчиддээ улам бүр ойртох зорилгоор хийж хэрэгжүүлж байгаа ажлын нэг гэж ойлгож болно.
-Шинээр хэрэглэгч болохын тулд заавал салбарууд дээр очих шаардлагатай юу. Утсаар, эсвэл интернет ашиглан захиалга өгөх боломж бий юу?
-Зүүн салаа, Баруун салаа, Баянхошуу буюу алслагдсан бүсэд амьдарч байгаа иргэд манай 77109944 дугаарт залгаж захиалга өгөх боломжтой. Заавал салбар дээр очно гэхгүйгээр тухайн утсанд холбогдож дуудлага өгснөөр 24 цагаар таны гэрт очиж холболт, суурилуулалт хийж, үйлчилгээ үзүүлж байна.
-Бидэнтэй ярилцаж, урамшууллынхаа талаар шинэ мэдээлэл өгсөн танд баярлалаа.
