МЗХ-г “хулгайч”-аас чөлөөлье

 

 

 

Монголын олон мянган залуучуудын нэр барьсан энэ
байгууллага залуучуудад чиглэсэн үйл ажиллагаа төдийлөн явуулдаггүй, түрээсийн
үйл ажиллагаанд л хамаг анхаарлаа хандуулж ашиг олохыг чухалчилж ирснийг
өнгөрсөн цаг хугацаа харуулдаг. А.Мөнхбатын хувьд МЗХ-д ирсэн цагаасаа \”Хар,
цагаан жагсаалт”, \”100 хар үйл явдал” зэрэг төслүүдийг санаачлан хэрэгжүүлж
эхэлсэн бөгөөд анхнаасаа мөнгө хийх, шантааж хийх зорилгоор ийм ажил сэдэв үү
дээ гэх олон хардлагыг өөрөө саяхан баталсан юм.

А.Мөнхбатын нэр дэвшигчдээс 50
сая төгрөг өгвөл \”Цагаан жагсаалт”-даа оруулья хэмээн холбооны нэр барьж
шантаажилж, өгөөгүйг нь \”Хар жагсаалт”-даа оруулсан үйл явдал нь саяхан олон
нийтийн мэдээллийн хэрэгслээр баримттайгаар, гэрчтэйгээр битүү цацагдсан. МЗХ-ын
ерөнхийлөгч А.Мөнхбат \”Хар, цагаан жагсаалт” болон \”100 хар үйл явдал”-ыг
тодруулахдаа ард иргэдээс санал авч байна хэмээн саналын урьдчилсан дүнг үзүүлж
байсан.

Тэгэхэд ард иргэдийн саналаар нэр бүхий улстөрчид
хар жагсаалтад орох улстөрчдийн хамгийн эхэнд хол тасархай түрүүлж байв. Эндээс
А.Мөнхбатыг \”ах нар”-тайгаа тэмцэлдээд эхлэв үү гэж харж байтал жагсаалт гаргах
болоход тэдний нэрс алга. Түүнчлэн 100 хар үйл явдалд \”ах
нар” нь болон Ардчилсан намын холбогдсон цөөнгүй хэргүүд ороогүй байгаа нь
шударга бус, өрөөсгөл жагсаал, тодруулга болсныг харуулдаг. Төрд ямар ч гай болоогүй мөрөөрөө барилдаж, дуулж яваа Х.Цагаанбаатар, Г.Эрдэнэтунгалаг нарыг хар жагсаалтдаа оруулсан хэмээн нэлээд шүүмжлүүлсэн А.Мөнхбат тэднийг хулгайч нарын намд элссэн учир хар жагсаалтдаа оруулсан гэж мэдэгдсэн. Жүдочин Х.Цагаанбаатар Тусгаар тогтнол, эв нэгдлийн нам /ТТЭНН/-аас энэ удаагийн сонгуульд нэр дэвшиж байгаа. ТТЭНН улстөрд харьцангуй шинэ нам, төрд хийсэн хар муу үйлдэл битгий хэл цагаан үйл ч байхгүй. Тиймийн атал ТТЭНН-ыг хулгайч нарын нам хэмээх цоллож болох уу. нөгөө талаас Ардчилсан намаас нэр дэвшиж буй дуучин Г.Эрдэнэтунгалаг хулгайч нарын намаас Сэлэнгэд \”горилж\” байж болно. Гэхдээ хүнийг хийгээгүй хэргийнх нь төлөө ингэж эсвэл хулгайч нарын намд орсон учраас хулгайч хийнэ хэмээн таамагалан гутааж доромжилж болохгүй. Эцэст нь, ингэж нэр
дэвшигчид болон горилогчдыг шантаажилж мөнгө хийж байсан А.Мөнхбат хар жагсаалтын
сонин хэвлэхэд мөнгө хэрэгтэй байна, тусламжийн гараа сунгаач хэмээн хандивын данс нээж ил цагаандаа гарав. Ард иргэд, нэр
дэвшигчдээс мөнгө \”сааж” байсан нь баригдаж, хийсэн мөнгө нь багадаад хандив нэхэж дутуугаа нөхөхөөр шийдэв бололтой.

Монголын
Залуучуудын Холбоо хэмээх битүү түрээсийн үйл ажиллагаа явуулж, ашгийн төлөө ажилладаг оффисын энэ байгууллагыг хариуцаж буй А.Мөнхбат тэргүүтэй хэдхэн нөхдөд төрөөс их хэмжээний
санхүүжилт олгодог. Нэмээд тэмдэг, шагнал гэх мэт зүйлээр ч багагүй ашиг олоод хэвшчихсэн. Харамсалтай нь, Монголын төрийг дархлагдсан
хулгайчаас цэвэрлэх уриатай МЗХ эхлээд дотроо байгаа Монголын олон мянган
залуучуудын нэр барьсан шантаажчин, дархлагдсан \”хулгайч”-даасаа эхлээд салах хэрэгтэй байна. Хулгайчгүй Монголын төлөө \”хулгайч\”-гүй МЗХ байх ёстой. Тиймээс эхлээд МЗХ-г
хулгайчаас чөлөөлж цэвэрлэж авчихаад дараа нь төрөө хулгайчдаас цэвэрлэх хэрэгтэй байна.