![\"\"](http://undesten.mn/uploads/posts/2016-08/1470355533_81.jpg "\\"\\"")
Өнөөдөр аргын тооллын 2016 оны наймдугаар сарын 05. Баасан гараг. Билгийн тооллын XVII жарны \”Муу нүүрт\” хэмээгч Гал бич жилийн Намрын тэргүүн улаан бич сарын шинийн 3. Сугар гараг. Бага морь одтой, зургаан цагаан мэнгэтэй, шарагчин хонь өдөр.
Өдрийн наран 5 цаг 36 минутад мандан, 20 цаг 19 минутад жаргана. Тухайн өдөр гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, угаал үйлдэх, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Балжиннямтай өдөр. Үс шинээр үргээлгэх буюу засуулбал эд малтай баялаг төгс болно хэмээжээ.
![\"\"](http://undesten.mn/uploads/posts/2016-08/1470355511_13866718_1106709969417952_814071256_n.jpg "\\"\\"")
