Баян-Өлгий аймгийн төвийн өрхийн эрүүл мэндийн төвүүдийн халдварт шар өвчнөөс урьдчилан сэргийлэх болон халдвар эсэргүүцэх голомтын хариу арга хэмжээ, аймгийн Засаг даргын албан даалгавар, МХГ-ын даргын албан бичгээр өгөгдсөн чиглэлийн хэрэгжилтэд хяналт шалгалт хийгдлээ.
Шалгалтаар зарим өрхийн эрүүл мэндийн төвүүдийн эмч нар тохиолдлын хавьталын судалгааг бүрэн гаргаагүй, хавьталуудад эрт илрүүлгийн үзлэгийг заасан хугацаанд бүрэн гүйцэт хийгээгүй, товлолын дархлаажуулалтаас хоцорсон 0-3 насны хүүхдүүдийг нөхөн дархлаажуулалтанд хамруулаагүй, харьяа сургууль, цэцэрлэг, айл өрх, иргэдэд урьдчилан сэргийлэх сургалт сурталчилгааг давтамжтайгаар зохион байгуулаагүй, тохиолдол бүрийн голомтын судалгаа болон тандалт судалгааг заавар журмын дагуу хийж үнэлэлт дүгнэлт хийгээгүй, дарга нарын зүгээс голомтын арга хэмжээний хэрэгжилтэд дотоод хяналт хийж ажиллалаагүй зэрэг зөрчлүүд илэрлээ.
Зөрчил арилгуулах албан шаардлагаар хугацаат үүрэг даалгавар өгч, албан даалгаврын биелэлтийг хангуулаагүй, халдварт өвчний голомтын арга хэмжээ хангалтгүй зэрэг зөрчлүүдийг үндэслэн 2 өрхийн эрүүл мэндийн төвийн эмч нарт Зөрчлийн тухай хуулийн дагуу зөрчил шалган шийдвэрлэх ажиллагаа явуулахаар ажиллаж байна.
Голомтын арга хэмжээний хэрэгжилтэд дотоод хяналт хийж ажиллалаагүй зөрчил илэрлээ
}
Шинэ мэдээ
