Жүжигчин Ж.Баясгалан эхнэрийнхээ хамт дуулсан дуугаа клипжүүлж олны хүртээл болголоо. Автын осолд орж, хүнд гэмтэл авсан хэдий ч уран бүтээлээсээ хөндийрөлгүй амжилттай үргэлжлүүлж яваа нь олон олон залууст урам зориг өгдөг аж.
“Чин зүрх” нэртэй дууныхаа клипийг далайн эрэг дээр хийсэн бөгөөд эхнэр Э.Мөнхтуяа нь тоглосон нь олны сонирхлыг татаж байгаа юм.
Харин жүжигчин Ж.Баясгалан шинэ дууны клипнийхээ талаар өөрийн цахим хуудастаа “Туулж яваа амьдралын түүхээсээ хуваалцсан илтгэл минь олон хүнд хүрч урам зориг өгсөн гэдгийг сонсох өөрт минь урам болон урагшлах хүч нэмэв. Хайр агуу хүчтэй шиг дуу тийм их хүчтэй. Хайр гэрэлтсэн харцаар биесээ ширтэн бидний дууг сонсож, амандаа аялаасай хэмээн аз жаргал баяр баясал төрүүлээсэй гэж чин сэтгэлээсээ хүсэн хамтдаа дуулсан энэхүү дуугаа бэлэг болгон өргөж байна. Хүлээн авна уу!” хэмээн бичсэн байна.
Жүжигчин Ж.Баясгалан “Чин зүрх” дууныхаа клипийг олны хүртээл болголоо
}
Шинэ мэдээ
