Монголын Үндэсний Сэргэн Мандлын намыг бүртгэхээс татгалзлаа

Монголын Үндэсний Сэргэн Мандлын намыг улсын бүртгэлд бүртгүүлэх тухай хүсэлтийг Улсын Дээд шүүх 2020 оны 1 дүгээр сарын 9-ний өдөр хянан хэлэлцлээ.
Хүсэлтэд хавсаргасан баримт нь:
 Улс төрийн намын тухай хууль,
 Хуулийн этгээдийн улсын бүртгэлийн тухай хууль болон бусад хуульд заасан шаардлагыг хангаагүй гэж үзэж, Дээд шүүх уг намыг улсын бүртгэлд бүртгэхээс татгалзав.
Өмнө нь Монголын Үндэсний Сэргэн Мандлын намыг улсын бүртгэлд бүртгүүлэх тухай Т.Ганболд нарын хүсэлтийг Дээд шүүх 2019 оны арваннэгдүгээр сарын 28-ны өдөр мөн хянан хэлэлцэж байсан бөгөөд дээрхтэй ижил шалтгаанаар бүртгэхээс татгалзаж байжээ.