Сүүлийн 24 цагт улсын хэмжээнд 12039 хүнд шинжилгээ хийхэд 13 хүний сорьцод коронавирус илэрсэн байна. Шинээр илэрсэн тохиолдлууд нь бүгд Улаанбаатар хотод бүртгэгдсэн.
-Бүртгэгдсэн тохиолдлуудын хоёр нь ХӨСҮТ-ийн ажилтан болох эмч, ариутгагч байна.
-Бусад 11 тохиолдол нь кластер голомтуудаас илэрсэн байна. Тухайлбал СБД-ийн 16 дугаар хорооны нийтийн байранд долоо тохиолдол бүртгэгдсэн. Бусад нь батлагдсан тохиолдлуудын ойрын хавьтлууд байна. Сүүлийн 24 цагийн хугацаанд бүртгэгдсэн тохиолдлууд нийтийн байр болон хэд хэдэн гудамж хорооллоос бүртгэгдсэн халдварын эх уурхайг тандахад нэг гэр бүлийн гурван хүн үсчинд үсээ засуулсан тухайн үсчин нь нэгдүгээр сарын 17, 18-ны өдөр халдвартай нь батлагдсан. Өөрөөр хэлбэл үсчинд үсээ засуулсан нэг гэр бүлийн гурван гишүүн халдвар авсан. Иймд үсчин гоо сайхны газрууд халдварын дэглэмийг сайн баримтлах хэрэгтэй байна.
Сүүлийн 24 цагийн хугацаанд аймгуудад халдвар бүртгэгдээгүй байна. Улсын хэмжээнд кластер өвчлөлийн тоо 1151 боллоо. Сүүлийн 24 цагийн хугацаанд 42 хүн эмчлэгдэн эдгэрч эмнэлгээс гарсан байна. Улсын хэмжээнд нийт батлагдсан тохиолдол 1656 байна. Үүнээс 1211 буюу 73.1 хувь нь эдгэрсэн байна.
Нийт 432 тохиолдол эмнэлэгт хэвтэн эмчлүүлж байна. Эдгээрээс биеийн байдал маш хүнд нэг, хүнд 2, хүндэвтэр 45, хөнгөн 384 эмчлүүлж байна.
