Дэлхий даяар 100 сая хүн халдварлаж 2.1 сая хүн нас бараад буй коронавируст халдварын улмаас цөөнгүй алдартнууд нас барсан.
Тэдгээрээс дэлхий дахиныг цочирдуулж, олны анхаарлыг татсан эрхмүүдийг эргэн сануулж байна.
ЛАРРИ КИНГ
CNN-ийн алдарт “Larry King Live” нэвтрүүлгийн хөтлөгч Ларри Кинг энэ оны нэгдүгээр сарын 23-нд 87 насандаа таалал төгсжээ. Телевиз, радиогийн салбарт 63 жил ажиллахдаа 50 мянга гаруй ярилцлага хийсэн түүний нэвтрүүлэгт Далай лам, Михаил Горбачёв, Барак Обама, Билл Гейтс тэргүүтэй алдартнууд уригдаж байсан юм.
ТОММИ ЛИСТЕР
“The Dark Knight”, “Friday” киноны дүрээрээ алдартай “Tiny” хочит жүжигчин, мэргэжлийн бөх Томми Листер 2020 оны арванхоёрдугаар сарын 10-нд 62 насандаа өөд болжээ. Түүнийг нас барсны дараа коронавирусийн халдвартай байсныг нь мэдсэн байна.
КЕНЗО ТАКАДА
Японы загвар зохион бүтээгч, Kenzo брэндийг үүсгэн байгуулсан Кензо Такада 2020 оны аравдугаар сарын 4-нд Парис хотноо таалал төгсжээ. 81 настай байсан тэрээр Парист нэрээ мөнхөлсөн анхны Япон загвар зохион бүтээгч юм.
АДАМ ШЛЕЗИНЖЕР
Гурван удаагийн “Emmy Award” болон нэг удаагийн “Grammy Award” шагналын эзэн, “Fountains of Wayne” хамтлагийг үүсгэн байгуулагч Адам Шлезинжер 2020 оны дөрөвдүгээр сарын 1-нд өөд болжээ. 52 настай байсан түүний бичсэн “Crazy Ex-Girlfriend” цувралын дуунууд ихээхэн алдаршсан юм.
АЛАН МЕРРИЛ
“I Love Rock ‘N’ Roll” дууг зохиосон, “Arrows” хамтлагийн дуучин Алан Меррил 2020 оны гуравдугаар сарын 29-нд нас баржээ. Тэрээр 69 настай байсан бөгөөд өөд болсон талаар охин нь мэдэгдсэн байна. Аланы дууг 1982 онд дахин амилуулж дуулсан дуучин Жоан Жетт түүнд хүндэтгэл үзүүлэн “Анх түүний дууг сонсож байснаа одоо ч санаж байна” хэмээн дурсамжаасаа хуваалцсан байна.
ЧАРЛИ ПРАЙД
АНУ-ын “Country” дууны алдрын танхимын гишүүн болсон анхны хар арьст дуучин Чарли Прайд 2020 оны арванхоёрдугаар сарын 12-нд өөд болжээ. 86 настай байсан тэрээр Grammy шагналыг хүртэж байсан ба өнгөрөхөөсөө сарын өмнө “2020 Country Music Association Awards” ёслолын ажиллагаанд дуулсан юм. Түүний “Kiss an Angel Good Morning”, “Is Anybody Goin’ to San Antone” дуунууд олноо алдаршсан билээ.
ЖЕЙ БЕНЕДИКТ
-102028-265070665.jpeg)
“The Dark Knight Rises”, “Aliens” киноны дүрээр алдартай жүжигчин Жей Бенедикт 2020 оны дөрөвдүгээр сарын 4-нд нас баржээ. 68 настай байсан түүнийг коронавирусийн улмаас нас барсан гэж TCG агентлаг болон албан ёсны вебсайт нь мэдээлсэн юм.
ЭНДРЮ ЖАК
“Star Wars” кинонд дүр бүтээж “The Lord of The Rings” киноны ярианы дасгалжуулагчаар ажиллаж байсан Эндрю Жак 2020 оны гуравдугаар сарын 31-нд 76 насандаа өөд болжээ. Эндрю Жак нь Marvel-ын алдарт цувралууд болох “Guardians of the Galaxy”, “Captain America: The First Avenger”, “Avengers: Infinity War” болон “Avengers: Endgame” киноны ярианы дасгалжуулагчаар ажилласан юм.
