Бүх нийтийн бэлэн байдлын зэрэгт шилжсэн үед үйл ажиллагааг нь зөвшөөрсөн 14 салбар, чиглэлийн ажилтнуудаас PCR шинжилгээний хариуг шаардахгүй болохыг Улсын онцгой комиссын хэвлэлийн төлөөлөгч Ц.Ганцзориг хэллээ.
Хөл хорионы үеэр үйл ажиллагааг нь хязгаарлахгүй 14 салбарын ажилтнуудын 10-15 хувийг ажлын тодорхойлолт, үнэмлэх, иргэний үнэмлэхийн хамт цагдаагийн алба хаагчдад шалгуулан зорчиж байгаа юм.
Тэгвэл өнөөдөр цагдаагийн алба хаагчид үүн дээр нэмж PCR шинжилгээний хариуг үндэслэн хөдөлгөөнд оролцуулахаар болсон гэх мэдээллийг өгөөд байгаа юм. Уг мэдээллийг УОК-оос үгүйсгэлээ.
УОК-ын хэвлэлийн төлөөлөгч Ц.Ганзориг “Зөвшөөрөгдсөн 14 салбарын ажилтнуудаас PCR шинжилгээний хариу шаардаж байна гэсэн. Ийм зүйл байхгүй. Энэ мэт ойлголтын зөрүүтэй асуудлыг засаж залруулж байна. Зарим нэг алдаа дутагдал гарч байгаад дахин хүлцэл өчиж байна. Хүний хүчин зүйл хандлагын асуудлаас зарим нэг алдаа гарч байна. УОК-оос хүнс тээвэр, хэвлэл мэдээлэл зэрэг шаардлагатай үед ажиллаж байгаа салбарын ажилтнуудыг шат дараатай PCR шинжилгээнд хамруулахаар ажиллаж байна. Удахгүй хуваарь зарлах болно” гэлээ.
