Америкийн Денвер хотоос ниссэн Боинг 777 зорчигч тээврийн онгоцны хөдөлгүүр шатаж, эд анги нь суурьшлын бүсэд унажээ. Онгоцон дотор ч, газарт ч хүн бэртэж гэмтээгүй боловч зорчигчид болон оршин суугчид маш их цочирдсон байна.
231 зорчигч, хөлгийн багийн 10 гишүүн тээвэрлэж байсан уг онгоц Денвер хотын нисэх буудал руу буцаж, амжилттай газардаж чаджээ.
Онгоцонд сууж явсан нэгэн зорчигч эмэгтэй “Охин маань цонхны дэргэд сууж байсан юм. Би охиндоо тийшээ битгий хар. Хөшгөө хаагаад залбирцгаая гэж хэлсэн” гэжээ.
United Airlines авиа компанийн агаарын хөлөг Хонолулу руу нисэж байв. АНУ-ын Холбооны иргэний агаарын удирдах газраас онгоцны хөдөлгүүрт гэмтэл гарсан талаар мэдээлжээ. Брүүмфилд хотын цагдаагийн газар хөдөлгүүрийн нэг эд анги байшингийн хажууд унасан байгаа зургийг нийтэлсэн байна.
Мөн зорчигчид нийгмийн сүлжээнд хөдөлгүүрийн шатаж байгаа зураг, бичлэгийг тавьжээ.
Онгоцонд сууж явсан нэгэн зорчигч эмэгтэй “Охин маань цонхны дэргэд сууж байсан юм. Би охиндоо тийшээ битгий хар. Хөшгөө хаагаад залбирцгаая гэж хэлсэн” гэжээ.
“Бага хүү маань 10 настай. Хүү маань их айчихсан байсан нь хоолойноос нь мэдрэгдэж байсан. Юу болоод байна аа? Бидэнд юу тохиолдох бол? гэж асуулаа. Үнэндээ цаашид юу болохыг мэдэхгүй байсан болохоор асуултад нь хариулж чаддаггүй юм билээ. Маш аймшигтай байсан” гэж зорчигч эмэгтэй хэлсэн байна.
Брүүмфилдийн оршин суугчид онгоцноос хэлтэрхийнүүд унаж байгааг хараад нуугдацгаасан байна. Эхлээд жижигхэн зүйлс тэнгэрээс унаж байгаа мэт харагдсан ч дараа нь харахад үнэхээр том хэлтэрхийнүүд байсан юм билээ”” хэмээн гэрчүүд ярьжээ.
