Австралийн судлаачид имжийг дүрсэлсэн 17300 жилийн настай хадны сүг зургийг илрүүлжээ. Энэ нь тус улсад бүртгэгдсэн хамгийн эртний хадны зурагт тооцогдож буй юм.
Зосоор зурсан 2 метрийн хэмжээтэй уг зургийг хадны оройн хэсгээс олжээ. Хадны сүг зургаараа алдартай Австралийн Кимберли мужаас энэхүү эртний зураг олдсон байна.
Радиокарбон ашиглан насжилтыг нь тогтоосон бөгөөд тус олдворын талаар “Nature Human Behaviour” сэтгүүлд өнөөдөр нийтэлсэн байна. Энэ оны эхээр судлаачид Индонезийн Сулавеси арлаас дэлхийн хамгийн эртнийд тооцогдох агуйн зураг болох 45000 жилийн настай зэрлэг гахайг дүрсэлсэн агуйн зургийг мөн олжээ.
“Баланггарра абориген” корпорацийн дарга Сисси Гор-Бирч имж дүрсэлсэн хадны зураг олдсон нь нутгийн уугуул иргэд, австраличуудад өндөр ач холбогдолтой болохыг цохон тэмдэглэсэн байна.
Тэрээр мөн “Уугуул хүмүүсийн мэдлэг түүхийг хойч үедээ түгээн дэлгэрүүлэх нь чухал юм” гэжээ.
