Хохирогчдын өмгөөлөгч: Бид өнөөдөр ТЕГ-д гэмт хэргийн гомдол гаргалаа. Тухайн бичлэгт гарсан төрийн албан тушаалтнуудыг прокурорын зөвшөөрөлгүйгээр цагдаа болон эрх бүхий албан тушаалтнууд дагаж, тагнасан, мөрдсөн байж болзошгүй нөхцөл үүссэн. Энэ нь хууль зөрчиж байгаа учраас өмгөөлөгчид Тагнуулын байгууллагад хандлаа.
Мөн холбогдогчдыг 10 гаруй цаг байцаахдаа эрүү шүүлт тулгасан байна. Энэ нь ч мөн хууль зөрчсөн байна гэж үзээд ЦЕГ-т гомдол гаргасан. Зөвхөн орцны бичлэг үзээд тухайн хүмүүсийн нэр хүндийг зохион байгуулалттайгаар гутааж байгаад харамсаж байна.
Тухайн үед гэр бүлийн хүмүүс байсан. Гэхдээ хэдэн гэр бүлийн хүн байсныг мэдэхгүй. Найз нөхдөөрөө уулзаж байгаа нь хууль зөрчсөн хэрэг биш.
Зөвхөн дансанд орж ирсэн гүйлгээг үндэслэн гүтгэж байгаа нь хууль бус байна гэж миний үйлчлүүлэгч хэлсэн. Тус мөнгө найзуудтай холбоотой өр авлага байсан гэж үйлчлүүлэгч хэлсэн. Холбогдох төрийн албан хаагчдын нэр хүндэд орцны камерын бичлэг ашиглан гутаан доромжилж болохгүй.
Тухайн бичлэг СӨХ-өөс цацагдсан гэж байгаа ч СӨХ нь өөрөө цоожтой байсан гэж хариулсан. Бидний хардаж буйгаар манай мөрдөн байцаах байгууллагын зүгээс тухайн нэр бүхий төрийн алба тушаалтныг дагасан энэ нь гүйцэтгэх ажлын хууль тогтоомж зөрчсөн байж болзошгүй.
Монголд хуулиас дээгүүр дархлагдсан луйварчид, эзний тааллаар хэргийг шийдвэрлэдэг, нийгэмд хамгийн их бухимдал төрүүлэгч ,шударга бус байдлыг тунхаглагч нар бол шүүгчид. Шүүх засаглалыг шинэчлээгүй цагт монголд нар мандахгүй. Хонгил эзнээ сольж сууриа улам бэхжүүлсээр . Яах вэ?