ЭМЯ-ны ээлжит хэвлэлийн хурлын үеэр албаныхан сэтгүүлчдийн асуултад хариуллаа.щ
– Эрүүл мэндийн ажилтнуудыг ямар давтамжтай коронавирус илрүүлэх шинжилгээнд хамруулдаг вэ?
А.Амбасэлмаа: Халдварын голомтод ажиллаж байгаа эрүүл мэндийн ажилчдаас 7-14 хоногийн давтамжтай шилжилгээ авдаг. Манай эмч ажилчид бүгд шинжилгээнд хамрагдсан.
– Ерөнхий сайд болон Эрүүл мэндийн сайд ард иргэдээ дархлаажуулалтад хамрагдахыг уриалан вакциныг хамгийн эхэнд хийлгэсэн. Тэдний биеийн байдлыг хянаж байгаа юу, нийт хэдэн хүн вакцин хийлгээд байгаа вэ?
Д.Нарангэрэл: Ерөнхий сайд болон Эрүүл мэндийн сайд ард иргэдээ уриалан хамгийн эхэнд дархлаажуулалтад хамрагдсан. Одоогийн байдлаар вакцин хийлгээд байгаа нийт хүний 3-5 хувьд ядарч сульдах, халуурах, хэсэг газар хөндүүрлэх шинж гарч байгаа. Ерөнхий сайд болон Эрүүл мэндийн сайдын хувьд биеийн байдал хэвийн, ямар нэгэн урвалын шинж тэмдэг илрээгүй байна.
