ОХУ, БНХАУ хамтран сарны гадарга дээр сансрын станц барих төлөвлөгөөгөө танилцууллаа. Сансарт анх удаа хүн нисгэсэн Орос сансар судлал дахь байр сууриа эргүүлэн олж авахыг хичээж буй бол Хятад олон тэрбум ам.долларын хөрөнгө оруулж буй шинэ салбарт хүч түрэн орж байна.
ОХУ-ын Roscomos сансрын агентлаг Хятадын Үндэсний сансар судлалын захиргаа/CNSA/-тай хамтран ажиллах гэрээг өнөөдөр байгуулсан ба дэмжин ажиллах бусад улс орон, байгууллагуудад нээлттэй хэмээжээ.
Хятадын хувьд энэ явдал олон улсын сансрын хамтын ажиллагааны хамгийн том төсөл байх юм. Тус улс сансрын шинжлэх ухаанаа маш хурдацтай хөгжүүлж байгаа ба өнгөрсөн хоёрдугаар сард Tianwen-1 хөлөг ангараг гарагийн тойрог замд хүрсэн.
Улаан гараг дээр хайгуулч робот буулгах Tianwen 1-ээс өмнө 2020 оны арванхоёрдугаар сард Хятадууд сарны дээжийг дэлхий дээр авчирсан гурав дахь орон болсон юм.
Харин ОХУ энэ жил анх удаа хүн сансарт ниссэний 60 жилийг тэмдэглэж байгаа ба аравдугаар сарын 1-нд Luna 25 төслийн дагуу сарны өмнөд хэсэгт хайгуулч робот газардуулах төлөвлөгөөтэй байна.
