Дэлхий дахинд хоногт 326,990 хүн коронавирусний халдвар авчээ. ДЭМБ-аас мэдээлснээр дэлхий дахинд бүртгэгдсэн нийт халдварын тоо 116 сая 874,912 болсон байна.
COVID-19-ийн халдвараар нас барсан тохиолдлын тоо 2,597,381 болжээ.
ДЭМБ-аас мэдээлснээр дэлхий дахинд коронавирусний халдварын хоёр дахь давлагаа дуусаагүй байгаа гэнэ. Гэхдээ халдварын тархалт мэдэгдэхүйц буурч байгаа аж.
ДЭМБ “COVAX” олон улсын механизмын хүрээнд 20 улсад нийт 20 сая тун вакцин хүргүүлжээ. Ирэх долоо хоногт энэхүү хөтөлбөрийн хүрээнд 31 улсад 14 сая тун вакцин олгохоор төлөвлөж байгаа аж. ДЭМБ-аас олгох вакцины хэмжээ эхний ээлжинд тухайн улсын хүн амын 2-3 хувийг вакцинжуулалтад хамруулахад хангалттай байхыг чухалчилж байгаа юм. Мөн энэхүү хөтөлбөрийн боломжийг нэмэгдүүлэх чиглэлд ажиллаж байгаа гэнэ.
