“Abrahams creative division”, “Событ фильм”, “Titans Pictures”, “HOMEMEDIA”, “OMNI” байгууллагуудын хамтын бүтээл “БРАТАН” олон ангит уран сайхны кино энэ сарын 30-наас эхлэн бүх IPTV-ээр үзэгчдийн хүртээл болох гэж байна.
“БРАТАН” олон ангит уран сайхны кинонд Монголын бүх Репперүүд нэгдэж тоглосон бөгөөд жинхэнэ орчин цагийн гангстер амьдралын өнгө төрхийг бүх талаас нь харуулж чадсан кино юм.
“БРАТАН” уран сайхны киноноос Монголын мэргэжлийн жүжигчид, бүх реппер дуучдыг харахаас гадна тэднээс өөр өнгө төрхийг мэдэрч болохуйц уран бүтээл болсон байна.
Ташрамд дурдахад “БРАТАН” олон ангит уран сайхны киноны “Zamen” нэртэй дууг “Vandebo” хамтлаг дуулж энэ сарын 16-ний өдөр сонсогчдын хүртээл болгосон билээ.
“БРАТАН” олон ангит уран сайхны киноны зураг авалт зургаан сарын хугацаанд үргэлжилсэн бөгөөд уг бүтээлд нийт 700 гаруй уран бүтээлчид ажилласан юм.
Уншигч та бүхэн “БРАТАН” олон ангит уран сайхны киног гуравдугаар сарын 30-наас бүх IPTV-ээр хүлээн авч үзээрэй.
