Зам, тээврийн хөгжлийн яамнаас Хөшигийн хөндий чиглэлийн хурдны замд хагарал үүссэн асуудлаар тодруулга мэдээлэл өглөө.
Зам тээврийн хөгжлийн яамны Авто замын бодлогын зохицуулалтын газрын дарга Д.Загдраднаа “Барилгын ажил 2019 оны есдүгээр сард дууссан. Тус замын хагарал өнгөрсөн жилээс эхлэн хагарч эхэлсэн. Өнгөрсөн жил нарийхан хагарал байхад нь гагнаас хийсэн байсан ч энэ жил нэмж хагарсан байна. Эвдрэлийн шалтгааныг тогтоохоор Зам тээврийн, хөгжлийн яам гүйцэтгэгч болон төслийн зөвлөгч компанитай хамтран ажлын хэсэг ажиллаж байна. Одоогийн байдлаар зам хагарсан шалтгаан нөхцөл тогтоогдоогүй байна. Хагарлыг хэрхэн засах талаар гүйцэтгэгч компани аргачлал төлөвлөгөөгөө гаргаад ажиллаж байна. Улсаас ямар нэг мөнгө гарахгүй гүйцэтгэгч компани өөрийн хөрөнгөөр 100 хувь хийнэ. Гүйцэтгэгч компанийн баталгаат засварын хугацаа гурван жил буюу 2022 оны есдүгээр сард дуусна. Замд эвдрэл гарсан нь гүйцэтгэгч компанийн 100 хувь буруу гэж үзэж байгаа.
Олон улсын нисэх онгоцны буудлын үйл ажиллагаа долдугаар сарын 04-нд эхлэхээр төлөвлөж байгаа учраас үүнээс өмнө засварлаж хэвийн болгоно. Манай орны нөхцөлд замын хөндлөн хагарал байнга гардаг. Замын хагарлын хэмжээ 7-10 метрийн өндөртэй эргэц, тойруутай хэсэгт гарсан учраас технологиос эсвэл байгалиас болсон уу гэдгийг тогтооно” гэв.
