Баянзүрх дүүргийн нутаг дэвсгэрт байрлах “Энэрэл” эмнэлгийн гадаа долоодугаар сарын 3-нд нэг иргэн эмнэлгийн тусламж авч чадалгүй нас барсан эмгэнэл явдал боллоо. Үүнтэй холбогдуулан Нийслэлийн түргэн тусламжийн төвийн дарга Р.Пүрэвдаш, НЭМГ-ын эмнэлгийн тусламжийн хэлтсийн дарга М.Мөнхдэлгэр, “Энэрэл” эмнэлгийн дарга Н.Амартүвшин нарыг албан тушаалаас нь чөлөөлсөн.
Тэгвэл Нийслэлийн түргэн тусламжийн төвийн даргаар Б.Одгэрэлийг томилохоор шийдвэрлэжээ. Б.Одгэрэл нь Хүний их эмч, эрх зүйч мэргэжилтэй өмнө нь хувийн хэвшил, ЭМШУИС-д хэлтсийн дарга, Нийслэлийн эрүүл мэндийн газарт хэлтсийн даргаар ажиллаж байжээ.
