Эрүүл мэндийн яам болон Эрдэмтдийн зөвлөлөөс Монгол Улсад дахь коронавирусийн нөхцөл байдлыг долоо хоногийн той мэдээллийг танилцууллаа. Энэ үеэр Эрдэмтдийн зөвлөлийн Нарийн бичгийн дарга О.Батбаяр коронавирусийн дельта давлагаа болон вакцины үр нөлөөний талаарх мэдээллийг танилцуулав.
Тэрээр “Есдүгээр сарын 30-ны байдлаар Монгол Улсын хэмжээнд коронавирусийн эсрэг вакцины I тунд хамрагдалт 69.2, II тунд хамрагдалт 65.5 хувь, III тунд 306.7 мянган хүнд хамрагдаад бөгөөд нийт хүн амын есөн хувь нэмэлт тундаа хамрагджээ. Нэмэлт тунд хамрагдсанаас 14 хоногийн дараа 99.9 хувь нь халдвар аваагүй, 0.1 хувь нь халдвар авсан байна. Халдвар авсан хүмүүс маш хөнгөн өвдөж байна. Нэмэлт тун өргөн хүрээнд хийгдэж байгаа Изриаль улсад судалгааны үр дүн манайхтай ижил гарсан. Иймд, вакцины III тун нь коронавирусийн дельта хувилбарас хамгаалах нэг үндсэн арга гэдэг нь нотлогдож байна. Дельта хувилбартай тэмцэх гол стратегийг дэлхийн бусад улс орнууд нэмэлт тун ба амны хаалтны шинэ дүрэм гэж тодорхойлж байна. Дельта хувилбарын үед цэцэрлэг, сургуулиуд, эдийн засгаа нээлттэй байлгаж, эрчимжүүлэх бодлогыг давхар баримталж байгаа. Вакцины дархлаа сэргээх нэмэлт тун хийж байгаа гол шалтгаан нь хөл хорио тогтоохгүй байх юм. Нэмэлт тунг эрчимжүүлснээр цэцэрлэг, сургууль нээлттэй, аж ахуйн нэгжүүд хэвийн ажиллах боломж бүрдэнэ. Тиймээс 18-аас дээш насны иргэд нэмэлт буюу III тундаа зайлшгүй хамрагдах шаардлагатай байна. Ард иргэддээ уриалъя. Иргэн бүр ажилтай, орлоготой байхын тулд, мөн хүүхдүүдээ цэцэрлэг, сургуульд нь явуулах, компани бүр бизнесээ хэвийн үргэлжлүүлэхийн тулд вакцины III тунгаа хийлгээч ээ. Арваас дээш хүнтэй хамт олонтой байгууллага бүр ажилчдаа вакцины гурав дахь тунг тариулахыг уриалах хэрэгтэй байна. Учир нь, нэмэлт тундаа хамрагдаагүй нэг хүн танай хамт олон дунд байвал нийтээрээ эрсдэл орох аюултай. Үйлчилгээний газрууд III тун хийлгэсэн хүнд үйлчлэх шаардлага тавихыг уриалж байна. Гуравдугаар тунгаа хийлгээгүй хүнтэй амны хаалтаа авч уулзахгүй байхыг ард иргэддээ анхааруулъя. Дельта хувилбар нь Уханьд бүртгэгдсэн анхны хувилбараас халдварлах чадвар 2 дахин нэмэгдэж, шинж тэмдэг нь халдвар авснаас 48 цагийн дараа илэрч байна. Шинж тэмдэг илрээгүй үедээ халдвар тараах эрсдэлтэй байгаа учраас иргэд гэрээсээ өөр орчинд амны хаалтаа авахгүй байх нь өөрийгөө болон гэр бүлийн гишүүдээ хамгаална. Хүнтэй уулзахдаа амны хаалтаа авсан нэг иргэнээс болж гэр бүлээрээ, хамт олноороо өвдөж, амь нас, ажил бизнесээрээ хохирох эрсдэл өндөр байна. Амны хаалтаа зүүгээгүй таны өөдөөс хараад ярьж байгаа хүн бүр халдвар тараагч байх эрсдэлтэй цаг үед амьдарч байгаагаа ямагт санаж явна уу. Тиймээс хүн бүр нэгнээсээ амны хаалтаа зүүхийг шаардахыг уриалж байна.
Дельта хувилбарын өндөр тархалттай байгаа орнуудад вакцины үр нөлөө буурч байгаа тул дархлаа сэргээх III тунг наанадаж нийт хүн амынхаа 30 хувийг хамруулахаар зорьж байна. Ингэснээр тохиолдлын тоог хоёр дахин, хүнд өвчтөний тоог гурав дахин бууруулах тооцоо гарчээ. Нөгөө талд вакциндаа хамрагдсан ч гэрээсээ өөр газар бүү амны хаалтаа ав. Амны хаалт бол таны IV тун вакцин юм” гэлээ.
