160000 хүний тархины зургийг харсан тархи судлаачийн бичсэн \”Хүүхдээ хэрхэн ухаантай хүмүүжүүлэх вэ\” гэдэг ном.
Хүний тархи ерөнхийдөө араасаа урагшаагаа хөгждөг юм байна. Дагз буюу тархины ар талд харах сонсох мэдрэхүйг хариуцсан тархины бүтэц байдаг ба энэ нь 0-2 насанд идэвхтэй хөгжиж байдаг юм байна. Энэ үед нь мэдрэмжийг хөгжүүлэхэд анхаарах буюу Японы нэр хүндтэй сургуулийн чадварлаг оюутнуудын багад нь гэрт нь заавал байсан юм нь ЗУРАГтай энциклопеди юм байна. Энэ үеэс нь зурагтай энциклопедитэй танилцуулснаар хүүхэд өөрөө янз бүрийн юманд сонирхолтой болж цаашид өөрөө сонирхлоороо юм сурах анхан шат нь тавигддаг гэнэ.
Мөн унтахынх нь өмнө нь орой болгон тэр зурагт энциклопедийг хамт уншсанаар эцэг эхтэйгээ харилцан ярилцах бас нэг сэдэв нэмэгддэг гэнэ. Гэхдээ хамгийн гол нь зурагтай ном үзээд дуусах биш бодит ертөнц ном 2-ыг холбосон туршлага буюу тэр номтой холбоотой юмыг амьдаар мэдрэх нь хүүхдийн тархи хөгжих буюу өөрөөсөө юманд сонирхолтой болох гол хүчин зүйл болдог юм байна. Амьтны тухай зурагт энциклопеди хамт уншиж байгаа бол амьтны хүрээлэнд дагуулж очоод тэрийгээ эргээд номноосоо хайх ч юм уу бодит ертөнцтэй холбож өгвөл хамгийн үр дүнтэй юм байна. Мөн зурагт энциклопеди нь багаасаа үсгэнд нүдийг нь дасгадаг тул сургуульд ороод үсэг сурна гэдэг барьерыг нь арилгаж өгдөг гэнэ. Мөн хүүхэд 5 нас хүрэхээрээ дуртай дургүй юм нь тодорхой болоод ирдэг тул 5 нас хүртэл төрөл бүрийн ЗУРАГтай энциклопеди уншиж өгвөл юмыг ялгалгүй сонирхож хөгждөг юм байна.
3-5 насанд хөгжим, хөдөлгөөний хөгжилд нь анхаарвал яваандаа хэл сурах, янз бүрийн юмны дүйтэй болдог гэнэ.
Токио их сургуулийн оюутнуудын дунд төгөлдөр хуур багадаа сурж байсан гэсэн оюутнуудын хувь өндөр байдаг гэнэ. Удаан үргэлжлүүлж чадаагүй байсан ч хамаагүй гэнэ.
8-10 насанд гадаад хэл сурахад амархан нас юм байна.
10 наснаас хойш буюу өсвөр насанд илүү гадаад орчинтой харилцаж нийгэмших нь цааш цаашдын хүнтэй харилцах чадвар буюу карьерыг тодорхойлдог гэнэ. Хэнтэй юу хийж өнгөрөөсөн бэ гэдэг нь нөлөөлдөг. Өсвөр насанд хүрээд ирэхээр насанд хүрсэн хүний түвшинд харилцах суурь нь тархины өсөлт талаасаа тавигддаг гэнэ.
Багадаа сурсан, үзсэн сонирхсон юм нь хөгширсөн хойно хобби болж үлдэх эсвэл эргэж сонирхоход дөхөм болдог. Ямарваа нэг юманд сонирхолтой дуртай байх нь 認知症 оюун самуурахаас сэргийлдэг буюу удаан хугацааны тархины эрүүл мэндэд нөлөөлдөг юм байна.
Өдөр тутмын амьдралдаа анхаарах зөвлөмжүүд:
Хүүхэд хангалттай унтах ёстой ба тэр тусмаа орой эрт буюу 8-9 цагийн үед унтах нь зохимжтой юм байна. Энэ талаар олон газар бичсэн тул нуршаад яахав.
Унтахын өмнө нь хийдэг үйлдэлд ном уншиж өгөх нь ой тогтоолтонд хамгийн сайн юм байна. Өөрөөр хэлбэл шалгалтанд бэлдэж байхдаа унтахынхаа өмнө нь эргээд харах нь илүү тогтоодог ба даалгавраа хийчээд зурагт үзвэл зурагтаар гарсан юм нь илүү тогтоогддог гэнэ.
Өглөөний цайг тогтмол уух нь хүүхдийн тархины хөгжилд маш чухал нөлөө үзүүлдэг ба глицемик индекс багатай өглөөний хоол цай уух нь илүү дээр юм байна. Өөрөөр хэлбэл огт цайгаа уухгүй байснаас өглөөний цайгаа уусан нь дээр ба чихэрлэг талх булочка идснээс өндөгтэй талх, будаа гэх мэт баланс сайтай юм идснээр хүүхдийн зогсоо зайгүй тархины хэрэгцээг үргэлжлүүлэн хангаж өгдөг юм байна.
Хөдөлгөөн, спортоор хичээллэснээр сурлаганд сайнаар нөлөөлдөг ба хамгийн гол нь спортод бүх цагаа зарцуулаад хичээл хийх зав байхгүй биш хичээлийн хажуугаар тогтмол тохиромжтой хэмжээнд спортоор хичээллэх нь илүү үр дүнтэй гэнэ. Гейм буюу компьютерийн тоглоом хүүхдийн тархинд сайнаар нөлөөлдөггүй, ийм юманд орсон хүүхдийг хорихгүйгээр компьютерийн тоглоомтой нь ч хамаагүй ийш тийш дагуулж яваад өөрөө болиод сонирхол нь буурахад эцэг эх хичээх ёстой юм гэнэ. Маш их тэвчээр шаардах ч бууж өгж болохгүй гэнэ.
Хүүхдийг загнахаас илүү магтаж өсгөх нь тархины хөгжилд сайнаар нөлөөлдөг ба байнга загнаснаар тэр нь архаг стресс гэдэг утгаараа тархины hippocampus лимбийн систем? нь агшдаг юм байна
эх сурвалж: emegteichuud.mn
