БОАЖЯ-ны удирдлага, Улаанбаатар хотын захирагчийн ажлын алба, НМХГ, “Таван толгой түлш” ХХК-иас Нийслэлийн агаар, орчны бохирдлын талаар мэдээлэл хийлээ.
НМХГ-ын Байгаль орчны хяналтын улсын байцаагч Б.Угтахбаяр “Шахмал түлшний орц, найрлагад өнгөрсөн долоо хоногт хийсэн лабораторийн дүн шинжилгээг танилцуулъя. Баруун бүсийн үйлдвэрт үйлдвэрлэсэн шахмал шинжилгээний дүн үнслэгийн хувьд 29 байх ёстойгоос 22,4-23,4, дэгдэмхий бодис 22 хувь байхаас 18,4-18,7, хүхрийн агууламж 0,9-,0,93 хувьтай гарсан ба нэг хувиас бага байх ёстой. Мөн илчлэг чанар нь 4200-аас их байх ёстой буюу 6078-6234 хл, калори, бат бөх чанар 80 хувиас дээш байхаас 90– 93 орчим хувьтай гарлаа.
Харин Зүүн бүсийн шахмал түлшний үйлдвэрийн шинжилгээний дүнг танилцуулбал:
-Чийглэгийн хувьд: 10 байхаас 5,8-8,5
-Үнслэгийн хувьд: 29 байхаас 22,3-25,7
-Дэгдэмхий бодис: 22 байхаас 18,3–20,3
-Хүхрийн агууламж: Нэг хувиас их буюу 0.89-0,94
-Илчлэг чанар: 4200-аас их байх ёстой буюу 5490-5788
-Бат бөх чанар: 81,3 – 95,2 буюу шинжилгээнд ямар нэгэн зөрчил илэрсэнгүй.
Мөн Баруун бүсийн үйлдвэр, Зүүн бүсийн үйлдвэр, Дундын бүс, Өмнөговь аймагт байрлах Энержи Ресурс компанийн шахмал түлшинд байрших мидлингийн хэмжээг шинжлэхэд стандарт хэмжээг хангасан үзүүлэлттэй байна. Түүнчлэн барьцалдуулагчийн шинжилгээний дүн стандартын шаардлага хангасан гэх үзүүлэлттэй гарлаа.
ЦЕГ “Төвийн зургаан дүүргийн нутаг дэвсгэрт бид өнгөрсөн долоо хоногт хяналт шалгалт явууллаа. Шалгалтаар түүхий нүүрс түлэхийг завдсан, хадгалж байсан гэх дөрөв, зориулалтын бус утаа үүсгэгч гялгар уут хэрэглэж байсан гурван зөрчлийг илрүүлж таслан зогсоолоо. Мөн өнгөрсөн долоо хоногийн хугацаанд зориулалтын бус утаа үүсгэгч материал шатааж байна гэх мэдээлэл 11 ирснээр үүнийг шалгаж үзэхэд бүгд батлагдаагүй байна.
Үүнээс гадна манай дуудлага мэдээллийн төвд угаартсан гэх 17 дуудлага ирснээс 47 иргэн хүнд, хөнгөн хэлбэрээр эмнэлгийн анхны тусламж авсан бөгөөд харамсалтай нь нэг хүний амь нас эндлээ.
