Нийслэлийн удирдах ажилтнуудын шуурхай зөвлөгөөнөөр хотын дарга ногоон байгууламж байгуулах газруудын байршлын талаар санал боловсруулж, нутаг дэвсгэртээ ногоон байгууламж байгуулах газрын төлөвлөлт хийхийг дүүргүүдийн Засаг дарга нарт үүрэг болгосон байна.
Мөн түүнчлэн, үүнтэй холбоотойгоор РЦНК орчмын талбайг ногоон байгууламж болгон тохижуулах, Энканто хотхон орчимд явган хүний замтай болгох, Уран ган ХХК-ийн голын эрэг рүү түрж эзэмшсэн газрын эрхийг цуцлах, үндэсний соёл, амралтын хүрээлэнд ногоон байгууламж бүхий орчин байгуулах төлөвлөлт, явган зам, дугуйн замын тооцоолол хийх, тохижилтын ажлыг Улаанбаатар хотын ард иргэдэд нээлттэй танилцуулах зэрэг үүргийг нийслэлийн нутгийн захиргааны байгууллагын удирдлагуудад өгсөн юм.
Иргэн А.Базар нь Оргил худалдааны төвийн хууль бус газрыг чөлөөлж, явган хүний зам, дугуйн зам гаргуулахаар шүүхэд хандаж, хоёр жил хөөцөлдөж, маргаанд ялалт байгуулсан боловч энэ асуудлыг шийдэж өгөлгүй дөрвөн сар болсон тухай өөрийн цахим хуудаснаа мэдээлсэн байна.
