Украины ерөнхийлөгч Владимир Зеленский 17-ны өдөр Францын ерөнхийлөгч Эммануэль Макронтой утсаар ярьж, Украины нөхцөл байдал болон бусад асуудлаар ярилцжээ.
Хоёр тал Францаас Украинд үзүүлэх батлан хамгаалахын тусламж, Европын холбоо ОХУ-ын эсрэг авах зургаа дахь удаагийн хориг арга хэмжээний бэлтгэл ажил, Украины хөдөө аж ахуйн бүтээгдэхүүнийг экспортлох боломжит арга зам, түүнчлэн Украиныг Европын холбоонд элсэх хүсэлтийг хэлэлцсэн тухайгаа Зеленский мөн өдөр олон нийтийн мэдээллийн хэрэгсэлд тэмдэглэхдээ, Францын ерөнхийлөгчийн ордны хэвлэлийн мэдээнд тэмдэглэснээр, Франц улс Украинд хамгаалалтын зэр зэвсэг, түлш, хүмүүнлэгийн тусламж, эдийн засаг, санхүүгийн дэмжлэгийг бүх боломжоо дайчлан үзүүлэх талаар Макрон ярианы үеэр дахин онцлов. Европын зөвлөл зургадугаар сард болох хурлаараа Украины Европын холбоонд элсэх хүсэлтийг судлах юм байна.
Зеленский мөн 17-ны өдөр Германы канцлер Шольцтой утсаар ярьжээ. Германы засгийн газрын мэдэгдэлд дурдсанаар, Орос, Украины мөргөлдөөнийг яриа хэлэлцээний замаар шийдвэрлэхэд Орос улс дайсагнах ажиллагаагаа нэн даруй зогсоож, Украины нутаг дэвсгэрээс цэргээ татах шаардлагатай гэж хоёр тал санал нэгтэй үзсэн байна.
