УИХ-ын чуулганы нэгдсэн хуралдаанаар өнөөдөр Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуулийн төсөл болон хамт өргөн мэдүүлсэн “Засгийн газрын өрийн удирдлагын 2023-2025 оны стратегийн баримт бичиг батлах тухай” Улсын Их Хурлын тогтоолын төслийг хэлэлцлээ. Энэ үеэр УИХ-ын гишүүн Д.Ганбат хэлэхдээ “Монгол Улс стаглфяцид ороод зогсохгүй өрийн хямралд өртжээ. Ийм гурвалсан хямралыг давах нь туйлын хүнд. 22 сая иргэнтэй ШриЛанкын ДНБ 80 тэрбум, гадаад өр 51 тэрбум ам.долларт хүрч деполт зарласан. Харин Монгол Улс 3.4 сая хүн амтай, ДНБ 13 тэрбум ам.доллар атал нийт өр нь 33 тэрбум ам.доллар давжээ.Энэ нь нь нэг хүнд ногдох өрийн хэмжээгээр ШриЛанкаас дөрөв дахин өндөр үзүүлэлт юм. Гадаад орчны дарамт өндөр, шалтгаалах дарамт нэмэгдэж байна” гэлээ. Мөн УИХ-ын гишүүд Төсвийн хүрээний мэдэгдэлтэй холбогдуулан асуулт асууж үг хэлсэн.
УИХ-ын гишүүн Ж.Батсуурь:
-Төсвийн хүрээн мэдэгдэл маш чухал сэдэв. Үүнтэй холбогдуулан хэд хэдэн чухал зүйлийг тодруулмаар байна. Төрийн захиргааны албан хаагч нарын тэр дундаа багийн дарга нарын цалин хөлсийг нэмэгдүүлэх боломж байгаа эсэх талаар өмнө нь би бас тодруулж байсан. Дээр нь алслагдсан сумдын төрийн захиргааны албан хаагчдын цалин маш бага байдаг. Үүнийг дахин тодруулмаар байна. Өнөөдөр 33.2 тэрбум ам.долларын өртэй гэлээ. 2016 онд хэд байсан бэ. Зургаан жилийн өмнө хэдээр нэмэгдсэн бэ. Мөн 2024 онд хэдэн төгрөг болох вэ өрийн хэмжээ хорогдох уу нэмэгдэх үү.
Төсвийн байнгын хорооны дарга Ч.Хүрэлбаатар:
Төрийн албан хаагчдын цалингийн системд Засгийн газар ажиллаж байна үүнийг эргэн харна гэдгийг Ерөнхий сайд хэлсэн. Монгол Улсын өр 2016 онд 25 тэрбум ам.доллар байсан одоо 33 тэрбум. Өнгөрсөн хугацаанд явагдсан хамгийн том бүтээн байгуулалт Оюу толгойн төсөл. Хувийн хэвшлийн энэ том бүтээн байгуулалтыг бид буруутгах аргагүй.
