Саяхан Швейцарийн Давост болсон 2022 оны Дэлхийн эдийн засгийн чуулга уулзалтын үеэр Хятадын цаг уурын өөрчлөлтийн асуудал хариуцсан тусгай элч Ше Жэньхуа хэлэхдээ, Хятад улс Дэлхийн эдийн засгийн чуулганаас дэвшүүлсэн “Дэлхийн нийтээрээ нэг их наяд мод тарих” санаачилгад идэвхтэй нэгдэж, ирэх арван жилд 70 тэрбум мод тарихаа амлаж байна гэжээ.
Энэхүү зорилттой холбогдуулан Хятадын үндэсний ой хээрийн газрын холбогдох албаны хүн 5-р сарын 27-нд болсон хэвлэлийн бага хурлын үеэр тайлбар хийлээ. Хятадын үндэсний ой хээрийн газрын Экологийг хамгаалах, нөхөн сэргээх хэлтсийн байцаагч Ү Шюли танилцуулахдаа, “Хятад улс 2021-2030 он хүртэл 65.3 тэрбум мод тарьж, хамгаалан, нөхөн сэргээх төлөвлөгөөтэй байна, энэ нь засгийн газрын ойжуулах, ногоон байгууламж байгуулах төслийн гүйцэтгэх ажил юм. Өнгөрсөн жилүүдийн жишгээр 2021-2030 он хүртэл сайн дурын мод тарих, албан байгууллага болон нийгэм нийтээрээ жилд дунджаар 500 сая мод тарина гэж тооцвол нийтдээ таван тэрбум мод тарина. Дээрх хоёр тоог нэмбэл Хятад улс ирэх арван жилд 70 тэрбум мод тарьж ургуулан, хамгаалж, нөхөн сэргээх болно” гэжээ.
Ойрын жилүүдэд Хятадын ойн бүрхэвч болон ойн нөөцийн хэмжээ өнгөрсөн 30 жилд хоёр дахин нэмэгдэж, дэлхийн шинээр нэмж ургуулсан ногоон байгууламжийн 25-аас дээш хувийг эзэлж байна. Хятадын засгийн ойжуулалт, ногоон байгууламжийг маш чухалчлан үздэг. Хятад улс жил болгон ойжуулалт, ногоон байгууламжийн хөтөлбөр хэрэгжүүлэн, чухал ач холбогдол бүхий экосистемийг хамгаалах, нөхөн сэргээх томоохон төслүүд, ойжуулалт, ойг хамгаалах төрийн захиргааны төвлөрсөн төсөл, нутаг дэвсгэрийн ногоон байгууламжийн туршилт төсөл хэрэгжүүлэх замаар ойжуулалт, ойн талбайг нэмэгдүүлэх, ойн чанарыг сайжруулах зэрэг арга хэмжээг цогцоор нь авч хэрэгжүүлж байна.
